2335，今晩、日本語の試験をしました。簡単な試験です。今日は昨日よりいいです。

果然明天會更好。今日死衝爛衝，個 Workshop 終於趕得上進度。D 學生係差，但係已經比最壞既情況好。希望明天又會比今天好吧。畢竟教 D 大家都唔識既野既時候，大家會專心 D。但係依家仲未諗掂那些 Poster + Leaflet 點處理。將一班一分為二，一邊做 Poster、另一邊做 Leaflet 咁好，定係一人揀一樣野做好呢？最好就人人都要做，但係點都要揀返一份作品出黎印，揀邊份又係一個問題。所以話，唔易賺。

PS. 都好頹，點解可以一個女學生都無。陽氣太盛，有害身體。

回到家玩了一陣電玩，其餘時間喪溫日文，進度唔錯。我覺得考得唔差的，雖然有 D 位真係做錯左，但應該扣唔過 10 分。唔好諗到我好似好堅，其實係份卷簡單，咪咪書既話都無乜大問題。考完 Mid-Term之後，個 Instructor 好明顯係 Dum 波鐘，最後點 Dum 都 Dum 唔晒 D 時間，早放左 10 mins。又係死衝爛衝，超極速回到家吃飯。

唔知大家撘巴士時鍾意坐邊 D 位置既座位，上層來說，我就會坐左邊中前位置。總覺得上層後排位置好恐怖喎，好多讀書唔成為禍社會既年青人坐。試過有次有班童黨係上層後排食煙！？總之就恐怖啦。但係呢一年就鍾意坐下層。どうして。たくさんきれい女の人ですから。真架喎！下層的確多 D 靚姐姐坐的。最好坐就係新個 D 隧巴，唔係兩行長櫈，係好似上層咁一排排櫈，超有 Feel 又好坐！大家坐多 D 下層啦。

今日搵返張相，依家再睇返原來真係幾靚 ↓



進階傻瓜機影到咁都算係咁上下。唉！我好耐無影相了。。。另外無晒字既 Poster 原來都唔錯 ↓



再做多次既話一定唔會再咁樣做，我其實想 Clean D 同 Grand D 的。



2425，Server 又 4 了，看來要明天先可以 Post 到了。That’s All.