2231，今天 ... 體力耗盡。太多事發生了！順序講。

1. 尋晚世界杯決賽，為隆重其事，一早已經 Set 好晒 Windows Media Encoder 做 Video Streaming，自己就係冷氣房挨夜睇波。唔開冷氣個廳真係熱到癡肺！

尋晚場波都好精彩，Zidane 個球十二碼根本就係好彩，我唔覺得射得靚囉。Materazzi 開波無耐就送大禮，之後差 D 解圍擺老烏，真係嚇餐死。點知呢個人又無啦啦上身，接角球連頂幾野。佢頂入個球真係靚爆！其後 Zidane 加時下半場頂個球又係好靚，點知 Buffon 救得仲靚！

Cannavaro、Pirlo、Buffon 三個真係打得好好，要入 Italy 波真係要過三關！好彩係 France 入波先，如果唔係可能呢場決賽係一場悶波。臨完場之前 Zidane 頂 Materazzi 心口個下真係正！名副其實既「頂你個肺」！球王即係球王！



2. 大家看看兩位既 Comment 先 ↓



點解會咁呢？話說約左 Alice Lunch，佢話約埋 Wilson，咁就約埋。基於社會環境 + 地理因素 + 心理問題，去左上環既 UCC Cafe。等左 Long Long Time，我唔會推卸責任，這是我的錯！！唔好同我爭，係我的！

本來好好地見下朋友仔，又係 High High 地既地方吃，應該係一件開心既事，但最終搞到咁真係唔好意思。雖然你地係冗員，但係冗還冗，遲到都係唔好既。得我呢個無聊人唔趕時間。。。佢兩個用超極速就食晒成個 Lunch ... 巧厲害！

呢 D 都唔係重點，重點係 Alice 黑面啊！！巧京京啊！與其話黑話，話無表情更貼切。原來佢能夠給人這麼大的プレシャー。話分兩頭，好多時見到 Alice 真人既時候唔知講乜野好，但其實係想同佢講野架喎。噫，看來我怕醜呀！無他既，見到靚姐姐 + 心上人係會咁架喇。我想講多 D 野架！

真係唔講唔知，次次約親 Wilson 吃 Lunch，佢次次 Lunch 完返公司都係遲到的，無一次唔係遲，難道這叫做魔咒！佢遲到就無所謂啦，慣左，但係 Alice 就唔好嘛。萬一下次 Alice 唔陪我吃 Lunch 咪大近視！Alice 少見既斯文 Look，幾好睇幾靚的說！

再一次話分兩頭，看見女孩子既腳踭貼了膠布，自自然就覺得有 D 心痛咁，特別係 Alice。唉。。。點解 D 鞋要做到咁刮腳呢，高跟鞋係咁、平底鞋又係咁，就算 Converse 個 D 都係咁。好地地一個腳踭就被刮損了！著又唔係唔著又唔係。。。陰公。



3. 離開後回銅鑼灣，見到幾句字，覺得好感動喎，大家睇下 ↓



茫茫人海之中兩人相遇已經唔係一件容易既事，仲要係好朋友、係 Buddies！所以話呢 ... 係幾咁難得既事黎！哈，大家得閒傾多 D 計啦。

係三越見到 Lacoste 既手袋有 Discounts，係 30% Off。如果折實唔太貴既話都買得過喎！當係阿 Yan 既 B-Gift 都幾好喎！不過佢話要 Surprise，唔好話佢知買左乜野。哈，依家講左，所以一定唔會買呢樣野。



2356，下晝真係勁攰囉，撘車係咁睏，Yea！日文已經用到初階 II 了，不過好似突然間難好多咁！今晚要早 D 睏！That’s All.

PS. 收到 Vikki 既 PostCard，感動！我都想去遠遊啊 ...