2302，今天。個 Server 終於死而復生。

1. 今天。為了開工而走了普通話堂，總共走左兩堂，餘下既堂已經唔可以再走，走左既話就唔夠 80% Attendance 了。個陣試都無得考就捉蟲了！Well，今日開堂既目的係要班學生整 Poster，當然唔期望大家學左 4 個鐘就可以整到美輪美奐既 Poster 啦。可以話係無期望！！

咁花左少少時間整左個 Hea Sample 出黎 ↓



大家做 Poster 既最大問題係唔識打字 ... 大家唔好問我，我真係唔識用倉頡速成！！之後有 D 醒少少既學生就開左 HK Yahoo! 既字典既網頁，原來個度有得打九方架，堅喎！唔知九方有無機會變為一套免費既輸入法呢，個陣就一定可以大行其道吧！

由於無期望，所以無失望。水準的確係差少少，不過得咁短時間學同埋整，效果係差一點點架喇。



2. 再一次打羽毛球，突然間覺得健康左喎，隔兩三日就打一次波，不過真係貴貴地，Book 一個鐘學生半價 $29.5，一場打爛兩個波 $10。兩個分，每人 $20 ... 再一次睇住 Co 爺打走我 $10 ... 下次我唔帶波！！

唔知香港仔個場少人打還是多年青人，下晝時段好多年青男女 E-Up 喎！首先 Co 爺見到對小情侶熱吻一輪，俗稱「打車輪」，其後就係坐大脾。換邊之後，我就見到兩小毛猜做出更親密既行為 →「啜胸」！？真係 OMG ... 唉。。。檢點 D，成日公眾上演甜片。。。係呢個場見到幾對情侶 E-Up，真該死。




3. 打完球吃點東西，交換下資料咁，Wilson 說了一些話，好值得一記！

話說早期 Co 爺花了 $990 買一件 Shirt，身邊眾人都話唔值、唔抵。但係 Wilson 就對 Co 爺說：「我覺得個件野 $990都幾合理。鍾意咪得。好似我呢 D 大洗既人平時見到岩自己既，花多少少錢都會買架喎。No Big Deal！」

另一件事就大穫啦！Co 爺既 Comment 係「佢 (Wilson) 好似 Broke 左 Back 咁」，講乜野↓

Wilson 說：「你估我同 Victor 係乜野關係？我地係相依為命。。。我唔知佢 (Victor) 點諗，但係我無左佢唔得囉。Can't Live Without Him.」

咁佢都無錯既，佢無左我真係唔得。同樣地，我無左佢都唔得，好多關於 City 既野我真係唔知，都係要靠佢既。再重申多一次，如果 Wilson / 肥仔係女咪好，絕對有得諗啦。又或者如果我係女既話，我都會癡埋去。可惜大家都係仔，所以當無件事吧。

講得興起之時，Co 爺說：「一個 (Victor) 教我淫亂、一個 (Wilson) 教我大洗，你地由我未夠 18 歲既世界格硬拉到成年人既世界。」。咁講就唔岩啦，我可是穩守道德標準的！我就唔知 Wilson 了。

PS. KFC 真係好嘈，講野好似鬧交咁。。。聲都沙埋，慘過上堂。



4. 香港時間剛剛到 Jul12，阿 Yan 生日，點都要 ↓



我等妳回來同居 / 鄰居啊！哈，玩得開心 D 啦！今年一如過往，都係寄唔切 B-Card + B-Gift 既。放心，Jul 內一定寄到，諗好買乜架喇！



2410，有時就係咁，好心做了壞事。想話打多兩句唔想咁 Hea，點之就將人家原來既意思變質。呢個責任我會負責，我唔會卸。最多我補個差價 ... 唔好黑面啦 ... Please。That’s All.