2235，今日好似好多事，但其實又唔係好多事。睇下記得幾多。有點累，都係長話短說。

1. 經過了堅信禮，做了 Full Member，很好很好。我們要留有空間給自己沈思！經過一會兒既沈思，發覺羽毛球係一種好安全既運動！又無乜點同人有身體踫撞，又唔怕比個波打暈，又唔怕好天曬落雨淋，仲有冷氣添！諗起壁球其實都好恐怖，有新聞報導過話粒壁球撞入左個人既眼，眼球變壁球，都真係幾恐怖！

係囉，點解任何事都提前左咁多既。工作經驗係咁、學既野又係咁、退休年紀又係咁，但係條命又越黎越長。長都唔緊要，點解要無錢呢？正所謂「人窮命賤」！

．點都要記一記，牧師既「羊咩鬚」Pass 左比另一位弟兄，Goodest。
．有得食已經好感恩了。
．+hung、肥仔因連鎖關係黎唔到，真可惜。



2. 回家後做返呢幾日都無做既野，睇返幾集《日式麵包王》。踏入第二個年頭，呢套動畫的確無咁吸引。。。另外，這個《三國志 11》，真係比以往既三國志難打，呢個都算係混戰啦掛 ↓



以前消滅敵軍部隊後就自動俘虜埋，但係依家又唔會，要佔領據點先得 ... 真麻煩。仲有既就係，一開戰就搞到七國咁亂，戰火四起呢 ... 衰又衰在董卓有用之不盡既兵力，唔通要學返三國演義咁兜大路 + 圍攻！？



3. 唉 ... Alice 姐姐 ... 我心傷透了 ... ↓



另外，呢段野講得好岩，由 Vikki 說的 ↓





4. 今日部電腦比人 Hack 左入黎，係經過 VNC 既漏洞的。開頭都睇過有關報導話 VNC 有保安漏洞，都無乜特別去理。咁自己裝左 Firewall，基本上每次都 Block 左佢地既 Attempt。但係今日見有 D 無聊，咁就試下 Permit 佢，點知就出事。。。

睇住個 Hackers 郁我個 Cursor，再同我 Run msconfig，就咁 Run 都死得人多，點知佢係賤到係想 Download 佢自己 Hacked 左既 msconfig。好彩我 Default 係用 Firefox 唔會 Auto-Download 唧。唔係今晚都見唔到我 Online 了。

後果輕則 Files 比人 Download / Upload / Delete，重則開唔到機 / 個 Harddisk 比人 Format。我見過有 Hack Tools 係可以做到 Screen Capture，即係萬一你打緊 Credit Card Number 個陣比人 Cap 低就麻煩了。

舊版既漏洞係唔關你 Set 左乜野 Password，個Hack Tool 係可以套左你個 Password 出黎。所以 Set 乜都無用，唯有 Upgrade 去最新版本。仲有就係，如果大家咁不幸比人 Hack 既話，第一件事唔係按熄機掣，因為新機就咁按熄機掣只係會幫你好安全咁關機。最有效及快捷既方法就係即刻拔掉上網個條 Cable，如果用 Wireless 既話就 Power Off 個 Router。做其他野既話分分鐘唔夠個 Hacker 個 D Automate Program 快的。



2404，明天打球！Good！That’s All.