2200，今日要作出重大更正了！

1. 尋日講過，羽毛球係好安全既運動。之但係今日就完完全全將呢個觀念倒轉。前言就係 Co 爺遲大到，我怒火上升，佢為左平息我既怒氣，佢請我打波。亦因為咁，佢既怒火上升，對著羽毛球出氣。

就在大家上網「的」波既時候，佢看準機會，用力一拍，羽毛球向著我的右臉直飛。本能反應已經係閃身，可惜都打中臉。如果唔閃既話，應該可以用口咬住個波添！接著，我的怒火又再上升返。機會來了！！到我用力一拍，羽毛球直飛 Co 爺右眼，差 D 打盲佢。

之後佢聲稱視力受影響，打唔到波，仲報稱「重傷」。唉 ... 原來羽毛球都咁危險喎！一打打兩個鐘，真係有 D 攰。我都有「輕傷」，明天實手軟腳軟。



2. 消失了的阿 Yan 再次出現，Goodest！噫，同佢講野真係好舒服，完全無需要修飾詞彙，直截了當的問、詳細既回覆。最緊要既係佢了解我！哈哈。佢講個樣「咩咩」講得好準喎，係我既 Concern 其中之一，但係其他方面都要考慮架嘛。佢又講得無錯，有 D 事係需要時間去陪養，點都要試下既。好！我決定好了，要為「咩咩」而努力，呵呵！

今日都算係咁，難得可以傾左兩個鐘。平時講幾句就 Offline 吧。。。



2318，有 D 疲乏，早點睡。That’s All.