2317，早 D 睏啦朋友。。。

1. 「北京奧體會」真係估你唔到，個五隻騎呢福蛙嚇到你傻，但係剛公佈既奧運項目圖標又幾掂喎，Click 下圖可放大 ↓



詳細資料可去 http://www.beijing2008.com/20/28/column212032820.shtml 找查。

之但係 ... 有一個圖標好特別 ... 就係「跳彈床」，同「小心地滑」一樣。。。 ↓



總括來說，呢套圖標真係幾掂。唔單止係靚咁簡單，仲非常有中國特色。簡潔既設計點都係容易給人高檔的感覺。



2. 明天放榜，唔關事幾年之後，突然呢一年又關事。安慰既說話人人都會講，衰 D 講句，絕對係「不設實際」。現實總是殘酷！知唔知點解政府推行 CE 同 AL 呢？事實上，首先用 CE 扔走一大群冇運又冇實力既學生，再用 AL 扔走一半有運但冇實力既學生，最後入得到大學就係尖子。

可惜時移世易，遊戲規則開始改變，大學開既科越黎越多，成績同入大學已經唔係絕對的掛釣。越多冇水準既人入到大學 (即係我呢 D) ，質素下降係無可口非。之前都講過，香港咁細但係有咁多間大學其實好似好大機會咁，弊又弊在人太多，少一半都嫌多人啦。結果競爭其實都好大。

大家睇 ETV 既時候，中文科應該教過大家用標點符號，會用呢句做例子 → 「下雨天留客天留我不留」。其實教統局個句「求學不是求分數」都一樣，「求學？不！是求分數！」還是「求學？不是求分數。」呢？也許呢句絕對正確，但是考試一定係求分數。

我好鍾意 Wilson 講個句「我係唔會講安慰既說話！你根本無得揀，你係一定要咁做」。對！根本就無得揀，做啦！

我都唔鍾意安慰人，我只會問「有無後悔？」。如果唔後悔既話甚麼也不是問題，至怕就係後悔。我都係反「有早知 ...」既人。唔係阿Q 精神，「塞翁失馬，焉知非福」。

儘管如此，放榜點會唔擔心，唔擔心個 D 先係無得救。擔心下係好既，平時考得好既驚無 A、考得差既驚無學校，唔擔心個 D 擺到明係放棄晒。買電腦、買手電都會上網 Check 下資料啦，何況放榜咁大件事。過程雖然痛苦，但是必需經歷的。唔係講風涼說話，如果再揀多次既話，都會再揀痛苦既 CE 既。呵，AL 就唔好了。暮然回首，這些經歷可是酸甜苦辣樣樣齊的。



2410，真係咪講笑 ... 排隊好辛苦架，麻煩大家夠分升原校 ... That’s All.

PS. Wilson 一日未辭工我一日都唔會搵佢的！