2345，終於上完 Week 1 既堂。

1. 今日上三個 Lecture，頹到極點。終於有一科既 Lecturer 個樣無咁 hea，不過佢講得真係好悶。。。我唔介意「悶」，但係我非常介意「激動」，千期咪做任何小動作改變現狀。

日文堂真係好日文，有野聽唔到 / 聽唔明，要用 Common Sense 去估。咁多科裡面最唔 hea 都算係呢科了。暫時都 OK 既，不過有同學 D 日文真係 be-ra be-ra，擺到明本身係識既，但又入黎屈機。個 Instructor D 國語流利到呢 ... 問佢野都唔知用乜文問佢好，英文？國語？還是日文呢？樣樣都好似有 D 隔幕咁 ... 不妨講多次，呢個日文 Instructor 個樣真係好似林老師。



2. 落堂之後就過返銅鑼灣 Dinner w/ Co 爺 + 陳老師。咁我同 Co 爺就去拎位 @ 金滿庭。呢間野都 OK 多人，傳聞訂枱既話都要六點左右去拎位。由於種種既原因，我都無訂枱，Walk-In 去拎籌 → 2 號籌。1 號走左咁就變左唔洗點等位。

食前影左一兩張相 ↓



都幾有 Style 架。個餐牌有得賣架，盛惠 $150 本。另外仲有個「傻佬炒飯」，英文名係「Preserved Egg York Fried Rice with Shrimps, Meat and Dark Soya Source」，其實即係普通炒飯 ...

等老師埋位就 Order + 吃飯，都 OK 啦，食肆既門面功夫都做得唔錯。Co 爺既「開學分享」真係好搞笑，百聽不厭 ... 點解佢既生活會咁歡樂既？重點係學校個個老師校長臉帶笑容，真係難能可見。

PS. 個壽包有葉架！第一次食到咁既壽包，真係掂喎！

係囉，如果我叫埋單既話唔知個 Waiter 會唔會將張單比我呢邊埋呢？但係有老師係度又好難爭到「埋單」。次次都白吃白喝都唔係幾好意思既。多謝晒老師。



3. 碎點↓

．呢件事係一個冗員既故事 ↓

A：點解你係公司可以傾電話既？
B：hee ... hee ... 你估都估到我梗係係廁所啦。

廿分鐘後 ...

A：點解你係廁所傾咁耐都無人知你係度傾電話既？
B：hee ... hee ... 我呢 D 醒目架嘛，梗係鎖埋左廁所門啦。

B 就係 Wilson 了 ... Co 爺扮佢扮得幾似，特別係「hee ... hee ...」同「梗係」。冗員 ...


．下個禮拜五應該都係出街食，是連續第三個禮拜。CSI 累積到無睇 2 個禮拜。

．《攻殼機動隊 SAC SSS》終於出左，聽日睇左佢先！

．Alice ... 可惜 ... 真係唔好提 ... 哈哈。



2430，早起身，係時候抖下 ... That’s All.