2245，今天是休息用的一天。

．這個呢 ... 點講好呢，呢幅 Cap 圖好似我內心感受咁，脫水太空漫游 ↓



點都有多少打擊。係囉，點解你得我唔得？連你都得個心都實埋。有多少不忿！


．今日再一次決戰《Mario Basketball》，終於開晒所有隱藏角色！不過仲未打得贏 Hard 既 FF 隊，真係好屈。打到手又軟膊頭又痛 ... 實力突然大幅度既升既秘訣在於防守時最好用「掣」，反應實快過用「筆」，有時打快攻用「掣」入樽真係好爽！


．夜晚睇左《攻殼機動隊 SAC SSS》。開頭諗住係有廿幾集既 TV Series，但原來係一次過播兩粒鐘就完。不過咁都好既，開頭其實交代返劇情係有 D 冷場，整體上劇情都緊湊。後尾 Batou 掩護 Motoko 個幕真係經典完再經典，類似既劇情係每一輯都出現。《攻殼》裡既政治觀、勢力關係比較複雜，都有 D 野唔係好明，看來等另一個字幕組翻譯後再睇。


．唔知新 Ver. 幾時先整好呢？



2316，真係好鬼眼睏 ... That’s All.