2305，是日表情 ↓



點解呢個表情？其實都無乜特別，見佢幾得意就 Cap 低佢。今日既堂悶到呢 ... 悶到無野好講。回家既時候，看到 Co 爺既 Message 話我尋日既 Post 要更正，一問之下，立時發生 ↓



物理上 Feel 唔到，心靈上完全 Feel 到！原來「嘉欣美女論」係假！！因為 Co 爺說出了實實在在既例子打破這理論！那個 Moment，真係震到心都離埋，彷彿地裂開了！

同肥仔傾左一陣電話，佢話應該開返個 e-Banking 戶口，方便 D 咁。不過好似又危危地險，信唔過電腦嘛。肥仔尋日係兆萬見到套 Mario 筆 $79 唔買，今日想去買，但係灣仔間鋪賣到 $129，活該！其實豫疑都岩既，尋日我都有豫疑，但係行唔夠 50 米就決定去買了。再等下啦，下個禮拜有貨。如果肥仔無伴的話，我會送幾支筆過佢既 ...

肥仔是一隻魔鬼。魔鬼講既野有時又幾岩聽。佢問點解要送一 Set 比人又唔送比佢，又話熟朋友唔通睇住佢無都唔理佢。係囉，點解呢？我都唔知點解，難道這就黎「犯賤」嗎？有 D 野結果是呼之欲出，但係都會繼續去做，為既未必係結果，只是過程？我都唔知值唔值得架。我都係窮人呢！

講起 NDS，肥仔話「我夠唔係成日玩，我呢 D 在職人士都玩老翻，你無收入既，都係玩老翻啦。」真係唔係講笑，你估我無諗過？哈，這個「信念」咁似我講個個既 ↓



重申一次，如果唔係成日玩而金錢上負擔到既，玩正版吧。但係如果收入係零既話，都不妨玩老翻既，不過就唔好改機，齋用 Super Card。引用我的「信念」既朋友說了一句，勾起我回憶的 →「如果唔 Download Roms 來玩只會令你玩少好多正 Game (正如超任和 PS 時代) 」。超任、PS、SS、PS2 我都係玩老翻的，佢呢句真係好掂。

如果 D Super Card 出得完美 D，我都唔排除會玩老翻既。實在太吸引了 ... 不過家下都仲係玩正版既，可以支持到幾耐？我唔知，一切隨心吧。不過 NDS 太多正 Game，隻隻都買實破產。依家都破破地 ...

今日 Nintendo Wii 有發佈會，Dec 2 發售 @ Japan，售價為 25000 Yen。另外 Apple 今日都有發佈會，全新 iPod Series ↓



新一代既 iPod Shuffle 細部到 ... 不過無左 Flash Drive 個 Feature 又好似係另一件產品咁。2Gen. Shuffle 賣 HK$650。哈，樣樣都係錢。。。有補習既話應該負擔得到，可惜家下仲未有。



2422，真開心，聽日應該有幸見到 Alice。That’s All.