1036 @ Sep16，今日既所有發生既事都同「大學同學 / 朋友」有關。再重申多次，我是口賤。

1. 今日個兩堂 Lecture 真係絕頂悶 ... 早個一堂都還好，尾個堂好似催眠咁。。。可能係食飽飯既關係。尋日又係難得地有半班，大約十幾個同學一齊去 Lunch，真係估都估唔到。

第二堂 Lecture 放 Break 既時候，終於見到 Alice 啦，靚女左喎。但係與此同時，感覺到係附近有個人望住 Alice，回頭 Pan 去望兩次，真係有個人喎！呵呵呵，唔記得記 Say Hi 添。Alice 幫我同佢 Say 個 Hi 啦，拜托了。

好，興奮完一輪後，去上日文堂。這些 CS 堂可以隨便走，但係日文就唔得了。D 人好屈！再加上我唔記得帶本 TextBook，感覺突然差左。呢個世界真係有咁既人都有！話說有緊 Exercise 既時候，做完咪揭下本 TextBook，同我 Share TextBook 個位同學一手搶左我份 Exercise 黎睇！？佢係想睇下我份 Exercise 邊度做錯左，想幫我 Check。Woo ... 乜野人黎架，同你好熟咩。

我係口賤唧，呢 D 咁既事點做得出架。不過我唔會怪佢，話唔定呢個係佢人物性格，只係萍水相逢，完左呢個 Sem 就唔會再見。



2. 上晒堂之後係 PageONE 打書釘，打到咁上下 Wilson 落堂。「好既唔記，衰野一定提」，佢又話可能會早放，點知仲遲放囉。亦都因為咁，要 Vikki 係銅鑼灣孤零零咁等 ...

係 SOGO 門口見到個 Model，男個個係咪有 D 面善 ↓



男 Model 好似 Gackt 喎！Model 身形真厲害，著乜都好睇！

今次既活動都係 ↓





3. 首先黎張大合照先 ↓



都係 Wilson 衰啦，同人爭坐入面，擾攘一會兒之後先安頓好 ... 但佢又倒瀉水囉 ↓



好彩電話無擺係枱頭唧 ... 本來諗住打邊爐，但係唔知點解又無打到，結果都有個超迷你爐打 ↓



埋單每位 $100，Wilson 說「都唔係好貴咋喎」，富學士的確係唔同 D。應該話係叫左咁多野，$100 又好似有多少出乎意料。上次 Tea 都八十幾啦，今餐晚飯喎！



4. 是日閒談重點 ↓

．橙皮紋既形成係肥完瘦返！？噫，我都好似有咁既。但係我無肥過喎。


．究竟著左高跟鞋仲可唔可以「拮」高呢？！


．Wilson 說我成日抵毀佢，好野又唔記，衰野就唱通街。他說平時返工 5 日，4 日都勤奮工作，剩係有 1 日放鬆 D 既時候就比我知道左，咁就話佢冗員。所以佢話有甚麼好事壞事都唔話我聽。


．成晚 Wilson 問 Vikki 有無料爆，Wilson 似乎知道左一 D 我地唔知既野，但係又唔想由佢口中講出黎，要搵 Vikki 講。究竟呢樣係乜野黎呢！？


．反而 Vikki 就係講左一 D 野令我覺得好吸引！講開話佢公司有位前同事 (A) 個樣好似我，起初都覺得無乜特別。跟住 Vikki 就比左佢同事張相我睇，第一眼望落去發覺真係好似樣喎！第二眼再望就有 D 面善。跟住講開就係 A 又係返教會既，跟住再講 A 係姓周，之後我就肯定 A 君就係 Simpson 了！點樣似法，側面似似地 ↓



香港地原來咁細 ...


．最重既重點，原來我呢個面胚既人係口賤！



1707 @ Sep16，終於講完。That’s All.

---
2435，我是口賤。講完。

真係好眼睏，明天後補。