2130，如果世界有盡頭會點呢？

1. Vikki 說教會人士個個都係「正義既朋友」，講野正面到死，絕無半點邪氣。頂唔順那些氣紛，好格格不入。噫！有同感喎！那些「正義既朋友」頭殼頂彷彿有光環呢！真係要戴返副黑超先可以望佢地，他們可是太耀眼看不到呢！

牧師都問過，問我地會唔會教會一個樣、教會以外是另一個樣呢？我就唔會兩個樣了，最多就係咁樣 ↓



點解會係半邊臉？因為我一時一樣，好容易估到我點諗時亦都好容易估錯我，連我自己都掌握唔到自己。有時我都會問自己點解會咁決定，但係都解釋唔到。難道這是本性！？

作為一個口賤既人，無論點樣都係口賤，只係換過另一種方式口賤吧。要換個咀臉當然唔難，但係咁樣換咀臉好似好無性格咁，唔似我。最多唔講野，但說話既大方向都係同平時一樣，絕對忠於自己。有人會話「正義既朋友」會變臉，但從另一個角度睇，但係我覺得可能這是尊重場合既做法吧，只是講返 D 適宜既野唧。

PS. 我終於明白點解我對住牧師講野有壓力了！原來就係咁。



2. 今日點都要記記佢！今日我竟然係學校 Canteen 食 Lunch！！本來都無諗住食既，但係同學誠意拳拳就唔好意思推啦。吃左個眾人都覺得 OK 既叉燒飯，$14.5。D 叉燒其實真係 OK 既，不過真係唔慣係 Canteen 食 ... 我諗都唔知會唔會再係 Canteen 食。



3. 點解我同人講我既 Assignment 係用 WarCraft III 既 Map 既時候 ... 大家都覺得係好 Hea 呢？絕對唔 Hea 架喎 ... 如果想做得好的話。可惜既係無心機做，WarCraft III is not my cup of tea！

當中既 Cap 圖，呃得下人架↓



話分兩頭，個 Tutor D Gag 都幾爛。Eg. 「個瀑布吊腳 ... 」、「乜野叫實左既水，Click 廿幾次就變左實左既水」。仲有就係，今堂係咁講 Nintendo Wii ... 個 Tutor 自己講到好興奮，部份同學睇上屆 E3 既 Promote 片既時候睇到好爆，甚麼「癡線」、「癲架」聞聲處處。而我自己就無乜特別感覺，因為我已經睇過好多次了。



4. 我好易頭痛，以下都會令我頭痛 ↓

．唔夠睏、睏得唔好
．頭未乾就睏過
．吹太耐風
．太肚餓
．食熱浪薯片、咖哩薯片，總之就係熱氣食品
．孭太重既野
．行太多路

今日先發覺，原來梽香口膠都會頭痛。。。所以止痛藥是隨身攜帶的。



2405，個 Router 自從轉左 Firmware 之後，個 Signal Power 弱左好多，個 Wireless 最快都只係 700 – 900KBps，真係激死！That’s All.