2315，我都唔知講乜添。

．City 真係多人到呢，日日都好似行花市咁。但係唔講唔知，City 既面積原來比 Poly 大，而且學生黎講 Poly 多過 City 的！可能 City 設計得差掛，總覺得 Poly 大 D。這就是實用面積與建築面積的分別吧。如果 City 劈左座山既話，地方會實用好多。


．雖然 City 好多人，但其實我上堂既地點都幾「隱世」。CM 同 CS Lab ... 真係有偏僻左少少。唯一好處係電腦多到你唔用。


．有備課再上堂真係好 D 喎！今日上 Jap. 既時候無咁多「唔知發生乜事」既感覺。而且今日上 Data Structures Tutorial 既時候，有 D 野明明地喎！噫，今個 Sem 再有 C +/- 既話個 GPA 實永不翻身，點都要努力點。


．晏晝又見到黑左既 Alice。不要看錯，唔係黑面。。點解會咁呢！？點解！？佢問我點解咁早返去 City 上堂。其實都唔算早啦，行到去上堂就剛剛好。上次既呢堂都遲到，今次唔想再遲了。呢堂就係我十分重視既 Jap. 堂。


．回家時候見到 Jerome，差 D 傾到唔記得落車。「補習」 ... 都好多辛酸事呢。都係為錢唧，唔係錢既話，好地地抖下唔好？可惜家下無補習，自自然就無錢吧。


．憂怨既歌曲令人回味，樓下就係《Samurai 7》Ending 既《普遍》↓




．我真係有野唔記得左喎！係乜野黎呢？真係醒唔起。



2325，眼睏。早抖。That’s All.