2305，真係唔係講笑，好眼睏！

咁呢，今朝失驚無神打 0900 - 1000，彷彿返學一樣。其實都 OK 早起左身，都預左充足時間出門。但係落到街口見到平時撘開既小巴排長龍，咁諗住去撘巴士。點知排緊巴士既時候 ... 連續幾輛小巴埋站，真係 Shit。心諗好快有巴士啦，點知就係好耐都無 ...

唔洗講都知我會遲到啦，如果我撘小巴就準時到，可惜 ... 我撘巴士。應該最慢 20mins 內出到香港仔，但最後花左 30mins 有多先出到去。我真係唔會再撘巴士出香港仔，慢到嘔 ...

真係唔講唔得，幫人買左支旗，但係癡得唔實甩左落黎，順手癡左係 Co 爺到。佢就順手將支旗癡係場邊既櫈到。我不禁說「你 Dump 落地下都話有人掃，你貼係櫈到無人會搣架」，佢聽完之後覺得好有道理，大家話係咪先？呢個人都傻傻地，漏左對鞋係場邊、失驚無神來個「拖步」，真係估佢唔到。

大街整左個海濱長廊，好似有 D 料到喎！之後去左 KFC 吃早餐， Co 爺講晒《Prison Break》既劇情。非常好，唔洗睇，聽晒算數。之後又行下商場咁。與此同時，大家都發覺每次打波之後既 Pattern 都係咁 ... 真係悶悶地，要有 D 新逛點先得。

本來諗住同 Co 爺過旺角陪佢買羽毛球拍，但係兩個人都好似中邪風咁手軟腳軟，係莫名奇妙既「攰」。平時打完波都無咁覺。可能今日打得早，大家休息唔夠掛。所以回家之後都睏返陣！

睏醒之後返左第一次既團契，見到另一個 VIctor。之後再出街吃飯。是日完。

2329，真係好眼睏。。。聽日會唔會準時呢？That’s All.