2215，大家明唔明「Hakuna Matata」啊？

1. 今日再一次 14 位同學一齊去 Lunch，Week 3 都係咁，都咪話唔難得吧。今日去飲茶 ↓



話說已經連續兩個禮拜五去左「品香樓」食 Lunch，有 D 仲去左幾次添。大家對那個「鮑汁雞粒炒飯」食到厭左。所以有人帶隊去飲茶，但係無乜人有意見，所以都係靠領隊。咁 14 個人行路有快慢，領隊行得快，後面團友見到領隊行去「品香樓」既方向，大家不禁說句「又」品香樓！？原來領隊只係嚇嚇大家。

第二站係大排檔，領隊往大排檔既方向走。後方既團友又爆笑：「噫，唔係食翻炒骨嘛」。我無打錯，的確係翻炒骨，並不是生炒骨。乾既炒到變濕、濕既炒到變乾，翻炒幾次。呢舊翻炒骨掟得穿頭呢！哈，領隊都只係嚇下大家，唔係食大排檔。

千里迢迢，行左 20 分鐘終於到達一間茶樓，團友都有不少怨言呢。但勝在夠坦白，說話都幾有骨，正！領隊劃點心，平均每款點心每人都分到一舊，夠就夠既。但係大家都係揀飲擇食既人，總有 D 點心無咁受歡迎架喇 ... 真係咪講笑，有 16 粒燒賣、16 粒蝦蛟、總之有蝦既點心共有 6 款，但係有人對蝦敏感唔食得，真係蝦佢了。好多好多蛟，但係一個包都無 ... 剩係得小籠包 ...

其實都好難叫點心，話晒 14 個人都可能有不同飲食習慣，都體諒領隊既。由於路程遙遠，行到返去上堂都已經兩點幾，理論上應該係一點半上堂。今堂大家遲到，下個禮拜大家可能早退 ... 為既係 Tea Buffet？！聽住先啦，下個禮拜話唔定又「鮑汁雞粒炒飯」。



2. 上緊日文堂既時候 ... 我真係唔會接電話。一來係普通班房上堂，出入無咁方便、二來最專心上堂就係日文堂了！今日同隔離位既學員傾幾句，原來佢讀 Accounting 而且 GPA 3.41！？

唉。。。點解 Alice 次次打電話問我野都講得咁急既？次次都趕住收線囉 ... 講多兩句都唔得，真氣頂！話分兩頭，同 Wilson 講左成粒鐘電話，話題就係「Co 爺」。算係咁啦，萍水相逢都咁「關心」Co 爺 ...

有時就係咁，估到人諗乜會有一種莫名奇妙既興奮，但與此同時估到既話又好似無咁有趣 ... 多少矛盾啦。



3. 尋日講個首《Hakuna Matata》真係好正喎。當中粵語版本丁滿既說話真係好搞笑，等我講下先。丁滿就係好細隻個隻野、彭彭就係野豬、辛巴就係獅子 ↓

彭彭：我心腸真係好，肚腩卻亂搖
彭彭：最傷心 ... 老友見到我似飛鏢

彭彭：我真係無面 ...
丁滿：佢都知醜。
彭彭：我比人叫豬 ..
丁滿：唔叫豬叫乜啊！？
彭彭：傷心加上悲酸 ...
丁滿：咁你想點啊！？

辛巴：你地屋企呀？
丁滿：算有個竇口啦。
彭彭：居者有其竇丫嘛。

辛巴：噫，咩黎架 ..
丁滿：食物啊，你意為係乜野。
辛巴：核突啊！

丁滿：聽我講喇細路，煮到黎就食，無規無矩，亦都無任何責任。簡直係世間美味，最好既呢就係無有怕。

辛巴：lum 天都不理，就當佢係塊被。天空 lum 落黎，一於懶理，hakuna matata

Hakuna Matata！其實去到後段佢地三個行個條樹木個幕幾 Charm 的，被族群拋棄既辛巴係「Hakuna Matata」之間慢慢咁長大，仲要咁開心，幾難得的。個幕丁滿有個Close Up，大家留意下佢跳舞個陣對手真係好 Smooth！



2424，好耐無飲 Coffee 了，有無人陪我飲番杯？That’s All.