1. 呢兩日學既野 → 「搵麻包袋笠佢！」、「偶菇」。兩個字都幾岩用，呵呵呵。下次放長假一定要搵工做！唔係又「偶菇」。。。點解 CE 同 AL 既假期唔覺悶呢？
2. 奇跡啊。。。唔夠睏通常都會頭痛，今日到夜晚呢一刻都無事啊！！不過想整埋 D 鎖碎野先睏。
3. 這個今天又到了世貿既 Starbucks，都係飲 Hot Latte。之後去左拉麵橫丁既翔太郎食拉麵，價錢都 OK 的，唔平唔貴喇。野食開頭食都 OK 既，不過嫌味濃 (即係味精多。。) ，家陣好頸渴。。。滿足左我願望了。。食左好多熱氣野。
4. 天氣突然轉冷。。。唉。。。又再受過苦了。。。聽日得八度。。。死硬了。。今日出街都知凍架喇，都戴左條頸巾，不過都係唔夠，頭髮太短，好凍。。。D 風吹到隻眼都乾埋，本來眼大大巧可愛，家陣隻眼閉埋一半，好似無乜精神。。。[妄想中] 如果有個人俾我暖下就好了 [/妄想中] 。。
5. 看來自己都去到中年男人既地步了。陰公。。行兩行腳軟、腰痛、搏頭緊，尿頻、膀胱細、腎虧、鬆線向後移。。。真係唔死都無用。。。係差在無啤酒肚。
6. 今日本來想準時到架，點知諗出門口有兩樣野想做，一就係再改改呢個 Diary 既 Coding，加個 Admin Control Panel，家陣 Update / Add Message 係直接係網址打 Link，唔夠方便同統一，仲想真正加個 Auto Update Function + Special Message for Particular IP。呢兩個 Function 都係 HardCode 左係個 Program 度，都係唔夠方便，有時又有亂碼。另一樣想做既野就係食栗子！哈，尋晚屋企人係 CitySuper 買左 D 栗子翻黎，點知我個陣未翻屋企食唔到。。。晏晝搵焗爐焗翻熱不知幾好食，你地無得食，呵呵呵。
7. 聽日要燃燒生命，一日內完成一個小絨布公仔！趕係禮拜六前完工！衝啊！睇怕都打唔到機。。。
8. 突然情緒好 High 下，可能。。。都唔知點解了。
---
呢期既 Auto Reply Message↓
咁難得既？你找我有事嗎？係可愛 / 靚既優先回，其餘個 D 諗諗先！再嘈就就變走你既小雞雞！(女仔既就變你有小雞雞！) 呵呵呵，真係比死更難受！

大至上分三種反應，第一類係無反應 (因為大家慣晒。。。)，自己過濾左個 Auto Reply Message。另一類就係呢類↓



呢一類好有鼓勵性，等我再諗 D 低能 D 既 Auto Reply Message！下面呢類就比較打沉我↓



不過呢類係正常的，係第二類同我一齊無聊。。呵呵呵！XXD
---
心情又再低落過，尋晚又睏得唔好，都唔知乜解究睏極都睏唔到。家陣精神好差好差，但係又約左人出街，自己又有多少野做，無得睏。。。總之就慘喇。

講翻 D 開心野先。這個 Gackt 真的好厲害啊！近期聽佢首《12月のLove Song》，好聽就唔在講，仲要有多國語言版本個下先堅！01 年出左首日語版，之後 02 年出左首英語版，03 年出左首國語版，到上年就出左首韓語版。真係唔到你唔服，年年都係十月二出呢隻 Single，連封面都差唔多一樣的。其實呢首歌真係好應景下，D 歌詞都幾痺啊。。。用黎呃女仔唔錯 A_A” ，呵呵呵

日語版 Spot：
大切な人だからずっと変わらないでわらっていて
大好きな人だからずっと君だけを抱きしめて
いつまでも抱きしめて…

君だけを抱きしめて…

大約意思係：
You're my precious, so forever, always, smile
You're my beloved, so I will always hold only you...

I will hold you forever...
Hold only you...

英語版 Spot：
Save, your smile for me,
Even altough you cry for me
Remember me & love me always.
Love, & smile for me,
Hold on to all that we had.
Remembering & love me again.

國語版 Spot： ← 最骨痺既版本，不過都係最正既版本！
好想好想你 珍藏你的笑在心裡
送給你我一切 愛不會改變
好想好想你 在這個感謝的季節
送給你我一切 愛你到永遠

大家有機會真係要聽聽啊，正到爆啊，最起碼都聽聽國語版本，曲同唱都係 Gackt，之不過佢請到王力宏幫手填詞 + 和音，我覺得係咁多版本最正既一個，最唔掂就係英文版，唔知點解好似覺得無乜 Feel，韓語版就未聽過 + 撈唔到翻黎。

另外原來一路以黎細佬播既 So Call「韓語版」原來係國語版黎，唔怪得之好似咁熟喇，不過我都剩係聽到個 Chorus部份既「呀。。踩屎你！」，尋晚兩兄弟係咁研究首「韓語版」，搵埋歌詞就肯定係國語黎！真係激死！

最後大家聽聽國語版最後 Gackt 係唱左句日文的，應該係「君だけを抱きしめて…」，真係好正！