1. 成晚最激都係呢樣，當場呆一呆，好鬼馬既姐你，陪我一齊玩。不過你個兩個「洶湧澎湃」同「氾濫」真係好正！是日金句，呵呵呵。



2. 搞左成日，個小公仔差個頭未整。。真係諗到我好煩，個頭好難整。。。實在太細個了。。。冬天多靜電。。。成張枱都係絨毛。。。激死。

3. 這個 Zeta 同 Double Zeta 既動畫係仲未搵出黎燒過你的，希望聽日有心情同記得搵出黎。。。

4. 今晚真係凍左好多，兩隻腳板係成晚未試過暖過。。。今晚要早 D 睏，聽日早 D 起身整埋隻公仔先得，最好就有 D 時間俾下寫個 Control Panel Page 同打下機戰咁就一流！唔係真係無乜時間做。

5. 突然間有好多突然既意念發出黎。。。首先係聽日麻想去 BBQ，好凍 + 大風的說。
---
頭先又八卦又睇 D 星座野，呵呵呵。

→ 版位有限，Post 頭三個，覺得都好似講得幾岩喎！


→ 呢個自己覺得都準啊，尤其係這個「作決定時猶疑不決」同「好受撒嬌」完全中晒！


→ 最後係呢個，睇到我巧開心添，特別係「成家立室」個項！其他天秤既野覺得完全同我無關係。


---
今日起身就諗住即刻開工整公仔，印好個紙樣。不過有 D 地方要修改下，點知手腳慢，到左睇《美味天王》既時間，睇完就同人傾左陣。到—點到真係剪布，點知呢發覺個隻色既布用晒，之後就落街買布，順面買埋本《蠟筆小新》，再去老麥買個餐食。哈，今次較無聊影左張相 ↓



咁既餐就 $30。。。唉。。。無計，懶煮野食。D 薯圈真係好熱氣，尋晚食極熱氣野都無事，食左少少薯圈就覺得喉嚨左少少痛。。。唯有狂飲水睇下有無用啦。唔想翻學先病。。。

PS. 1. 回家途中竟然俾我見到。。。呵呵呵。
PS. 2. 點解有隻叉係度？因為唔想用手拎 D薯圈食，費事整度隻手唔乾淨喇，吉黎食乾淨 D嘛。