2325，呢個「麻甩佬團去迪迪尼的奇想」要遲 D 先講，好攰 ...

咁呢，今日又去打波。如果上個禮拜 Book 場既時候醒起今日係紅日既話，應該就唔會 Book 場打了。早日拎左塊拍去穿線，張單就寫「十月七日 (下午取)」。唔知係咪我「下午」既定義有點與別不同，十二點幾去拎塊。但係一去之後見到塊拍「通窿」既！？即係未穿好 ... 咁佢快極都要一個鐘穿好，但係一點就打波，唯有用住塊舊拍打住先。

早左去到，拉拉筋做下熱身。咁岩有小學生上緊「軟網球訓練班」，個軟網球個 Feel 都唔錯喎。但問題就黎，咁個 D 羽毛球網 Set 矮左 for 軟網球，咁要全部 Set 返高，總共 4 個網。遺憾既係得一個人去 Set，個個人不知幾大壓力 ... 最後，我都係蝕左 5 分鐘。有 D 人惡既話真係鬧點解 Set 咁耐架！

Co 爺見我用舊拍，又口出狂言。可惜佢今日無食藥，同上個禮拜比，今個禮拜真係屎波晒。。。應該話回復正常水平。重拍頭既拍回到拍既話都幾剎食架！另外 ... 接殺球比殺球更好 Feel！

打完波之後返去香港仔拎拍，但係望落去塊拍好似有 D 唔對路，好似拉歪左塊拍。22Ibm 唧，塊拍無理由頂唔順架喎。睇落去塊拍既右邊好似歪左，反轉塊拍黎睇，都係右邊歪左喎。唔通係我眼花！？大家睇下吧，右邊 ↓



拎完拍就向上行去 Pizza Hut 吃 Lunch + Tea ↓



呢幅相大有玄機！叫左 3 個 Tea，一個豬扒天使麵、一個奶油 Cheese Pizza、一個意式雞肉丸 + 腸。所以就見到 3 杯奶茶，D 奶茶甜到呢 ... 血糖急升都因為佢！這個 Cheese + Pizza 有三種食法，一隻就係就咁食 ... 係無乜味、一係就加 D 煉奶 ... 咁就好有西多士味、一係就「Yum」 D 意式茄醬 ... 呢隻食法至好味。

仲有見唔見到 Co 爺「Long」住隻左手，「Long」住無咁攰。唔知點解依家次次同佢打完波都攰到乜咁。。。唔通真係年紀大機器壞？

PS. 1. 次次打完波食野，都咪話唔貴 ...

PS. 2. 雖然好老土次次打波後個日既 Diary 都係呢 D。都厭厭地，不過都無辦法，今日得呢 D 野好記。

PS. 3. Co 爺個幾日 Camp 既劇情好爆笑，等佢打好我再轉貼。

2415，哈，咁就一個 Week 了。That’s All.