2150，好，又可以即日打 Diary！

1. 今天準時出門口，準時返到 City 上堂，照舊得我一個 + Lecturer → Ricky。阿 Ricky 又問我上堂 D 野明唔明，照舊話明，不過用起上黎唔知識唔識。之後都好坦白同佢講佢既 Note 好冗長，有 D Part 應該刪減多少。呢件事宜就咁就完左。

之後再上 Data Structures，學到野，正。Break 個陣大家商量 BBQ 既事宜，都暫定左個日子。今個 Yr 搵返 Yr1 失去左既野，就係「大學生活」！堂與堂之間既空檔多左、大家一齊吃飯既次數密左，我覺得呢一年有半班 BSc 既同學熟絡左。咁都唔錯啦，很好。

落堂去左《品香樓》吃 Lunch，四個男仔 Share 三個 Set Lunch。嘩，我覺得好抵喎，每人 $21，今日又慳到錢。至緊要又唔會食唔剩 D 野，都差 D 食唔晒吧。如果一日叫一碟既話，通常都食剩一半，但剩太多都樣衰架，所以就拼命食。但係依家 Share 既話，食剩個 D 就唔洗怕無人食，Good！



2. 吃完 Lunch 回 City hea 陣又去左旺角同人交收，今次買左隻 2 手《新牧場物語》。我又覺得好抵喎，出左無耐，但依家 1 手都要 $270，依家只係 $150，仲好新淨。不過賣家個外表就比較「Lei Fei」，佢又搵個核突膠袋裝住 ... 我覺得隻 Game 突然污糟左囉。回到家既時候搵清水抹完之後再用火酒抹，依家隻 Game 乾淨晒。

PS. 再重申，我係「以貌取人」的！

試左係天后地鐵站落行去中央圖書館，真係近多少喎！Woo ... 究竟大坑真光係邊樹黎呢？仲見到皇仁，第一次見呢！仲有 St. Paul’s Convent！個頭 D 學生真係串 D 架喎，唔係講笑！



3. 個「獻磚表」實物終於整好 ↓



大致上都係 Fine Tune，無乜大改動。不過等唔切牧師既「感謝經文」了，聽日問下佢點先。



4. 我終於明白 Alice 個陣既心情了，話說佢既 Favourite Ekin 好耐無係電視出面，一出面既時候竟然做靈幻節目既主持。個個心情真係好矛盾，好想睇但又唔想睇咁。

時隔一排，相同事情竟然發生係我身上。涼子姐姐好耐無做電視劇，岩岩上個禮拜就有涼子既劇上，叫《奇幻物語》，聽個名就知係靈幻節目。。。呢個節目即係 Ekin 主持既奇幻節目既日本原版，製作當然比香港版認真好多。

開頭諗住 Scan 下涼子既 Close-Up 鏡頭，但係最後差唔多成個故事睇晒。真係超恐怖，係個氣紛好恐怖，而且 D 化妝都好迫真。。。唉，唔係涼子既話，我一定唔睇！



2250，+hung 病左 ... 真係好少有，仲要十點幾就睏覺 ... That’s All.

PS. 哈，阿 Yan 好鬼搞笑，要再講多 D 過我聽！就係你一句話，我就去買！