2410，嘩，打完波返黎，真係腳都軟埋。。。

3. 「Hea」，一個對我完全唔陌生既字，上堂無時無刻都係 Hea 既狀態。無他既，因為真係 Hea。今堂要走出課室影 D 野，就係又一城 Hea 影 ↓



呢 D 當然唔係啦，只係順手影埋，係Sportmax 既展板。原來呢 D 唔比影相既商場係可以影相的，不過係影人，「Facilities」就唔影得喎。以下就係曲終人散既時刻 ↓



返到去 CM 上堂都係 Hea，播 PowerPoint 既關係熄左燈， D Mon 就顯得好「殘眼」了 ↓



我都唔想咁 Hea，但係氣紛就係咁 Hea。大學上堂每一個小時就俾左 $100 的，仲要係已經政府補貼大部錢啦喎。真係浪費晒 D 錢 ...



4. 放學開會開夜左，成 8:00pm 先係 City 走，一小時回到家，即係 9:00pm。極速吃晚飯，未落格就撘車出去打波。今次同阿 Pei 單打，都算有 30mins 比我消化既，仲有一小段路比我散步。不過我都覺得危險，如果我就咁死左，我都估到點解會死。下次都係咪再試，命仔緊要！

點解會無啦啦打 10:00pm - 11:00pm 呢？因為阿 Pei 下個禮拜一打學界，咁咪同佢打下球，當係練習下。但係黃金時段又無晒場，惟有咁夜先打。其實最主要原因係我爛癮，我想打下波唧。

同阿 Pei 打波需要大量體力，佢下下搓後場，係不論甚麼波都係搓後場。企係後半場實無死。Co 爺就無佢咁好力水，但就陰濕 D。兩個都有不同打法。不過阿 Pei 咁打學界，實比打關鬧到七彩。我就話下下回高波過你唧，但係出面同人比賽肯定比人殺波殺到一頸血，諗起都覺得過癮。

我發覺自己弱點係接高遠波同埋殺球，可能我力水唔夠，回高遠波好似唔夠力、殺波又唔夠勁。通常係打對方失誤，但咁樣太被動了，真係同人打既話我會輸得一敗塗地。話分兩頭，接殺波真係好爽！我至鍾意接殺波！接殺都有多少心得架。

打完都 11:00pm，返去香港仔買 D 野飲就送阿 Pei 回家。唉。。。送佢返屋企唔係問題，問題係送完佢返去之後自己要行一大段路。腳仔真係軟架嘛，你估假架咩。

PS. OMG，阿 Pei 會唔會被人誤會係我 Girl Friend 架。。。我覺得我好唔抵喎！



2454，好攰。同學話如果我打到入醫院既話會黎醫院探我，仲會帶慰問禮物 → 利賓納。真係多謝晒喎，可惜明天又會見到我返學。That’s All.

---
2111，講你都唔信，今晚十點至十一點我去打羽毛波 ...

1. 呢本就係《新牧場物語》既說明書，大家留意下有乜特別 ↓



唔講都唔知架喇，每個漢字上面都有五十音！Woo ~ 成本說明書寫既野都識讀，呵。唔知對象係咪比細路仔睇，D 文字都淺白。睇得明喎，唔係估架，真係睇！Good！信心大增！可惜呢 ... 下個禮拜日文就 Mid-Term。



2. 話說尋晚同 bobo 吹下水，點解佢會無啦啦講起呢 ↓



哈，係囉，點解呢個 Sem 「女仔」左呢？！佢真係大個女喎！就快 ... 歲了。



2111，有時間再後補，好趕。That’s All.