2115，人力 ... 真係有限。

「獻磚表」 ... 任憑我努力都只可以整好 ~50 份。今日真係由朝做到晚，晏晝約左 Co 爺出黎搵佢幫手整。咁係 KFC 落腳，對角有堆女仔又係「庇護工場」式既合作，大約十個女仔就係到剪貼，應該係整 Halloween 既野。噫，佢地係我地既假想敵！目標就係要快過佢地整好。

得我同 Co 爺兩個人做，人地「庇護工場」、我地就「流水作業」，真係做到無停手。班女仔係勝在人多、但係唔專心。我同 Co 爺密密做，專心做極都只係得兩個人。最後 ... 做到六點半，散水。係我地走先的，不過係未做晒架喎。

其實可以搵其他既人幫手既，不過我追求完美，我唔信佢地。剩係信 Co 爺，話晒都合作左好多次。不過初期信心都有動搖，亦因為咁，Co 爺就受了我的氣。算吧，係我搵佢幫手，由得佢吧。兩條友做左 3 個鐘，ɚ紙ɚ到手軟、搣雙面膠紙搣到手指頭滑晒，真係有血有汗架！血就來自我手指尾比張紙ɚ損。

其實咁樣整真係有 D 捉蟲，做乜要 Hand Made 呢？！開頭諗住會低成本得黎又可以靚 D，務求「低成本，高效益」。因為把如果製作成本高既話，有人會覺得與其花咁多錢整，點解唔直接獻磚呢。之但係我又覺得就咁單張影印紙咁又唔靚，所以先咁樣「雕紙」。做一兩份 OK，十幾份都勉強，但依家要做幾十、成百份，呢個做法絕對唔係高效益吧。不過咁樣都靚過彩色影印既，哈哈。

由於有「升級系統」，簽滿第一款表格就會轉做第二款表格。開頭諗住表格轉色，但係以第一款表格咁做，都幾嘔血下。我都要諗諗辦法，Time Management 要再做好 D、表格要簡化 D、或者拎黎彩色影印吧，哈哈。黎緊呢個禮拜都好多野做，我都怕做唔切。



2155，繼續整，目標係 ~50 份，夠掛 ... That’s All.