1936，打定先，今晚再打。

1. 話說尋日係 KFC 整表格既時候，隔離枱有一對 CityU 既學生係 CSC 借左部 NoteBook，佢地係度整緊 Power Point。呢 D 都唔係重點，重點係個對男女係度摸住大脾整 Power Point。

可能我係誇張左既，只係他倆拖住手，而對手放係大脾上面唧。點解要記？因為 Co 爺說我應該記一記。咁我就記一記。



2. 「獻磚表」派左四十多份，好彩整 55 唧，整太多又會浪費。「升級版」既表格顏色已經諗好，主色就用螢光綠色，十字架 + 肥魚依舊藍色，「藍光主義」！哈哈，整十鬆份就夠了。最後一款既「終極版」都係十鬆份就夠，主色係珍珠白色，藍光十字架，諗落都幾型！

點解要咁辛苦 Hand Made 咁多份呢？唔彩色影印？可能係一種執著！類似既「捉蟲」情況都出現過，至堅都係剪字粒、格仔個次了。

PS. 竟然比我拎到 No. 28 既表格，我都覺得厲害。



3. 夜晚打球，九點至十一點。點解咁夜打？因為黃金時段無場。近期發覺 D 場都好 Full，真係癲癲地，多人到呢。。。閒日夜晚 Full、六日得朝早 7-9、夜晚 9 -11。黎緊呢個禮拜都要同 Co 爺 Com Com 睇下打幾點，唔想打咁夜囉。

今天打雙打，可能 Co 爺打唔慣雙打，開頭 D 走位好有問題。咁我有頂唔住頸「指點」左佢幾野，佢又受我氣了。呢 D 朋友係邊到搵，下下都受我氣，仲要好有笑容咁俾反應我，真係難得難得。後期大家有多少默契，走位順左，係好既開始黎。唔好睇小羽毛球拍咁幼，如果走位唔順而被打中既話真係可以斷骨。

Well，我都係覺得聽日阿 Pei 打學界個陣會比打關喪鬧。呵呵呵。



2426，手軟腳軟。早抖。That’s All.