這個是低 B Q中的閒事
1. 這個天氣是非常之凍的。。可能係坐個個位既問題，不過似係背面無乜人所以咁凍。。。個頭就暖啊，近個爐火，但係手就凍的說。。。真係凍到震。
2. 這個天氣還有需要拎個大發泡膠箱去雪野乎？！又無啤酒的說，剩得汽水睇怕都唔洗雪了吧。。。最大問題係個箱好腥好臭啊。。。諗起都核突的。真係難為了你，最後都係無人用的。
3. 哈，個個都等人查蜜糖同吉野食。我自己都係，唔係縮骨，只係懶 + 順個手呢。有講「唔該」架。講開蜜糖原來有個咁既方法令到支筆唔洗跌落樽蜜糖度，真係第一次見。
4. 今次最滿意唔係食物，係飲品非常充足，飲極都仲有汽水，唔錯唔錯。另外燒野食要俾愛心同耐性的，唔係 D 食物好易會「窿」晒，甚至炭化。食太「窿」既食物會好易生 Cancer 的。
5. 繼尋日既麥記 + 今晚既低 B Q = 生暗瘡。。。哼，我早 D 睏！不過家陣已經點幾。仲未有睡意的說。
---
這個 Lunch Time 真係多事發生呢。。。發覺個兩隻 Zeta 同 ZZ 既DVDr 竟然 Load 唔到近碟邊既 Data，睇怕都係燒碟個陣燒得太盡。。。激到我脹晒，花左 D 時間 Download 過 ZZ Load 唔到個幾集，不過 Zeta 真係太慢，都係趕唔切架喇。。。隻 ZZ 就燒好左，不過唔知佢 Load 唔 Load 到呢。睇怕得閒都要搵翻晒 D 碟出黎做 Speed Test 先得，睇下邊 D 肯定 Load 唔到既就再 Download 過再燒過！

人地話我低能我唔信，可奈事實勝於雄辯。頭先又黎多單低能野。。。本來走去打下機戰都無乜問題，進度都 OK 喇，之不過有一個 Round 見部 Getter 未行動就 Pass 左個 Round 諗住去 Reset 佢再 Load 過，點知原來自己一路都無 Save 到。。。個關又要由頭打過，真係低能。。。最衰個話又硬性出 D 雪櫃裡面既機。。。真係弱不禁風。。。彈彈都扣半行血。。。最屈都係得部主腳雞。。。部 Getter 又未改武器、裝甲，初期搵部野出黎修理、補給都無。。。就算主腳雞都慘被屈到見紅。。。陰公。。。

家陣就快五點，又係時候裝身出去「低 B Q」，唔知街凍唔凍呢。。。偶今晚想早 D 翻屋企。
---
今朝起身心情都覺得 OK 既，尋晚係近期睏得最好個晚，不過一出被窩就覺得好凍下。花左個零兩個鐘完成埋個公仔當係送個老師既「箭行」禮物。不過個公仔唔係話整得唔靚 (不過話靚又唔算係既。。) ，知不過整到好中性，話係男又得，話係女都得，原意唔係咁架，想整個似似地佢咁 (背面我覺得個髮型都 OK 似，係前面唔得)，即係呢次係失敗的說。

PS. 我終於搵翻隻碟出黎，家陣抄緊去電腦到。希望陣間記得帶過你，你走運了，我記得。就係為左幫你，咁就同細佬吵左輪。