2335，剛剛回家，今日真係好開心，真係生日快樂！

1. 解決 D 私人恩怨先，+hung 說 ↓



唉。。。我都想有另一個人可以取替涼子，可惜我仲未搵到。新個 D 日本藝人，唔係話唔好，之不過比唔到涼子能到比我個種感覺。重溫一下涼子 ↓





2. 咁呢，今日又整左兩款「獻磚表」↓





螢光黃個款撞得無咁靚，下面白色個款真係好靚，實物靚過相。不過兩款都有三層紙，整既方法要變多少先得，唔係會整得好怪！



3. Well，有 Cheese Cake 食 ↓



不過都要「提點」下先可以完成到呢個 Cake，差 D 變 Pudding 架喇。依家都 OK 啦，第一次整係咁架喇。下次繼續努力，個餅底真係幾掂，讚！有點「漏」 ... 依家個份量其實都差唔多了。

吃過 B-Cake，到了赤柱吃晚飯。赤柱係我其中一個喜愛既地方，環境清靜，又有 Feel。今日係閒日，無咁熱鬧，卻有一份舒適、寧靜 ↓



個「海濱長廊」整好左之後會仲靚！咁上次就試過係赤柱大街既 Pub 吃 Dinner，今次就轉陣去左美利樓吃。揀左「香辣屋」，揀既原因 ... 美利樓 4 間食肆裡價錢最便宜的一間吧。揀了「出面」既位坐，氣紛很好。可能係閒日既關係，只係得幾枱客，假日既話實無「出面枱」坐吧！看看餐廳既裝潢 ↓



BEA Creadit Card 有 50% Off 既 Set Dinner，可惜我無。咁就散叫，有超好味「泰式沙嗲雞肉串」、蝦餅、甜咖哩豆腐、原個菠蘿海鮮炒飯 ↓



仲有個椰青 ↓



大家有留意既話，個炒飯係「Lum」到好高的，幾經一番努力，都食到投降，剩下這些 ↓



D 野食都 OK 喎，尋晚食個 D 野清淡，今晚就食 D 味濃既，Fit 晒！

不得不提既係，服務真係好好，應該係前所未有的。個 Manager Serve 得好貼心，鋪餐巾、上菜、就連洗手間都帶埋你去咁滯，我對呢個 Manager 既評分為滿分。真正既旅遊區果然係唔同 D。食得好開心呢！！真係生日快樂喎！未試過比咁多 Tips，真係好值得比！！

臨走仲比我見到好大隻「甲那」隨街跳 ↓



Woo，呢個係另一個好兆頭！其後行過 D Pub，有一大堆鬼佬鬼婆開 Birthday Party，仲唱埋生日歌。我覺得好似係唱比我聽囉，Goodest！



2445，今天真的很開心，唯獨是唔可以免費遊 Ocean Park ... 下年睇下有無機先。不過今年生日真係好多好兆頭，咁多兆頭好特別呢！That’s All.

---
1106，哈哈，今天我生日，來個早 Post 先。

有 Blog 既好處係可以 Check 返自己之前做過 D 乜野，特登去 Check 下上年生日做過乜野、講過乜野，好明顯，與 +hung 既對話好經典，今年又貼多次 ↓





今都都一樣，邊個唔同我講「生日快樂」或同義既野，佢就係我朋友名單剔除。放心，「恭賀期」都有幾日既。上年就講過 ↓



今天都係唔會返學，但係唔係自己走堂或者本身 Day Off，而係個 Instructor 去左 LA 開會，今個 Week 佢既堂全部 Cancel 左。唔係老吹，有 E-Mail 為證 ↓



哈，無啦啦生日個日 Day Off，呢個係一個好既兆頭！係咪好神呢？神既安排總令你意想不到。

不過都唔錯，上年生日比 D Assignment 纏身，今年就唔洗，Goodest。家下 Hea 下先，夜晚有節目，哈哈。