2320，「Where did he come from？」← 幾有氣勢！來自 CSI，今集真係超緊張刺激！

1. 唔知大家「一日」既定義是怎樣呢？我「一日」既定義係由朝早起身到第二天朝早起身。咁呢，「生日快樂」既關係，今朝都睏到成十點先起身。但理論上我應該九點半出門口返學，最後 ... 十一點九返到 City 上堂，坐左三十分就落堂 ... 真係頹到爆。

落堂食 Lunch，Lunch 完又遲個鐘先上堂。不得不提既就係 ... 唔知點解 Lecturer 說話既聲波硬係唔入耳，會自然咁反彈出黎。點解會咁神奇既！？仲有就係，佢教書既速度奇差，講幾廿世都係同一張 Slide，又唔係話個張 Slide 特別重要喎！

究竟呢類 Lecturer 係咪唔知甚麼叫做「Power Point」呢？又無 Power 又無 Point，真係唔多掂喎。有 D 仲衰，剩係白底黑字既 Power Point，不如叫「Plain Text」啦？咁唔係話 Lecturer 有責任準備晒呢類教材，佢齋 Talking 都得既。不過作為一個即食、短視、無質素既學生，實會向上層反映一下意見、投訴下咁囉。



2. 有人話，撘長程車係靈修既好時間，如果唔睏覺既話，都算係架。咁今日撘巴士路經過香港仔隧道，看見窗外有不同既樹，有些樹葉凋落了、有些則保持著翠綠色既外表。看到這些，突然很感慨。

那些樹葉還是綠綠的樹就像我條「命」，大家都係勞碌命。那棵樹也許會問「秋天了，點解仲要每日都要咁搏命做光合作用，唔做就會死。點解我無得好似其他結果實的樹一樣有得抖下。」係囉，點解無得抖呢？

今日先講完，寧願食到肚痾，係屋企痾下都算有 D 細藝，好過百無了賴咁過一日。



3. 今晚都係在街吃晚飯，係 UCC Cafe 食 ↓



本來諗住去世貿「魚一丁」，但係個Staff 話要八點幾交返枱比佢，咁就唔好了。幾個條件嘛，要有氣紛、坐得舒服、靜靜地，仲有個唔記得左。所以呢，就去左呢間 UCC 吃了。

PS. 銅鑼灣好多食肆，但係都無乜好去處，好多都試過。唔試個 D 都唔會諗住試吧。大家發現銅鑼灣有一 D 食肆能夠滿足意上條件既話請話聲我知，無酬。

今晚就同 Co 爺 + 陳老師共聚晚餐。大家好似好耐無見，但諗真又唔係真係好耐無見。大家傾下計笑下幾好啊，講過乜野都唔記，記得都唔打 lu，講左好多野。有 Co 爺係度真係好好笑。佢扮其他人既表情好正，佢唔做話劇真係浪費晒啦。

哈，多謝老師既熱情款待，仲有 Co 爺個 D 返學鎖碎事。真係好好笑，都唔知係咪佢自己誇大既。



2426，慎防挨夜，聽日都要做下 D Assignment。仲有整返幾份「升級版」表格，Good！我既禮拜六就係咁過。That’s All.