2305，乜我個「博客」真係好睇嗎？

1. 講返尋日肥仔講個個話題先，講起「結婚 + 擺酒」。唔聲唔聲，原來肥仔已經係呢個課題搵緊資料。佢有個同事定師兄話結婚要 25 萬。噫，又多筆 25 萬！？咁大家就係度計縮數。

去婚姻註冊處註冊只需 $2000 多，就算豪 D 要係註冊處以外簽紙都係加多 $2000。擺酒就要花好多錢，平到 $2888 / $3888 都有一圍，但係就要將貨就價。咁大家可以選擇旅行結婚，就算兩個人去歐洲都平過擺幾圍。咁 D 親朋戚友點算？肥仔就提議可以來個 Party 式既聚會，即係訂派對食物。係咪好慳呢？再慳 D 就係 Party 都唔搞，分開請有關人士食餐飯就算。不過如果真係咁做，可能會比人唱足一世。

最差既情況就係「親戚」多，男家十零圍、女家十零圍，祝酒都個祝成晚啦。除左親戚多係 Worst Case 之外，仲有個 Case 都幾頭痕，就係男女雙方來自兩個不同既教會。聽肥仔講，有個例子就係咁，剩係單方教會人士都坐兩圍，兩邊夾埋都坐四圍。噫！要留意下。

其實擺酒係擺比人睇唧，話就話會賺。但係搵埋個 D 紅白二事先會見面既親戚，就有點兒那個吧。比著我，寧願搵 D 熟既親朋戚友少少地人都好過懶係大堆頭咁幾廿圍囉。之不過，你係咁諗時另一半又會唔會係咁諗呢？小心比人怨一世呀，肥仔。



2. 一位拎 A 既同學話花左七日去做某份 Assignment，拋窒左好多同學，好多都開始去做。但係今日有位拎 C 既同學只係花左七小時就做好了，那位 C 既同學並非專心上堂，只是做到「Follow the Instructions」。個位拎 A 既同學條氣仲 Chok 住 Chok 住，情景都幾搞笑。

人就係咁，好多時就會諗多左好多無謂既野，搞到事半功倍。係香港既教育制度鍛煉下，應該都會特別留意題目既指引，題目問乜就答乜，無謂答多吧。年年考評局既報告都指出學生離題既問題呢。

呢件事勾起早前看過的「第十一名論」，英文個名唔記得左，中文個名只係意譯。呢套理論就係話通常考頭幾名既學生日後既成就唔係咁出眾，反而考第十一、十二名既學生日後既成就會比較出眾。主要既說法係認為考十一、十二名既學生通常唔會將「讀書」放係第一位，反而靠下小聰明、運氣過關。而且佢地可能會將「興趣」、「玩樂」放在首位，日常接觸既層面較廣，相對地得到一些書本以外既知識。最後呢 D 聰明、運氣、知識累積起來，變成了與別不同既「成就」。



3. 李詩韻 ↓



仲有唐詩詠 ↓





2405，我唔記得左一 D 好好笑既野 ... 記得再講。That’s All.