2245，今天，終於執好左個書櫃。

1. Good，大家看看原本的狀況 ↓





個書櫃散散地，D 書太多太重了，多到湧出黎。一睇就知我成日睇聖經啦，本聖經放到最出。公禱書就唔係成日睇，所以就放得入 D。唔係講笑，聖經唔揭佢都自己爛 ... 揭多幾野就散。唔知係咪天氣乾燥，自己「皮膚」爆裂呢。

執完既情況 ... 今日既 Post 底會見到。



2. 今日早左少少返到 City，平時既呢堂通常就開堂後 15 分鐘先可始齊人。但係今日未開堂就已經坐左好大班人，開頭仲懷疑係咪記錯日子返錯學，但係諗落又唔係，見到咁既情景真係有點驚愕。之後見到個 Lecturer，個陣先醒起禮拜一上堂既人黎上返呢堂 ... 唔怪得之咁多人啦。

今日個 Lectuter 教得好有「衝勁」，可能係多左 D 真係上堂既學生吧。儘管如此，佢都係教得好差。但是呢，點解其他 Programme 既學生上堂咁認真既？CM 個邊頹好多喎。。。

Well，之後再上熱血阿 Sir 堂。呢個阿 Sir 真係教得好好，清華大學畢業的確係唔同 D。好快就追返上堂無聽到既部份。之但係上上下堂既時候，覺得左手有 D癢，諗住捽一捽佢。捽左一下就發覺有隻肥蚊死左係手指頭。整隻手指頭都係血 ... 手臂都一樣。好大灘血，那些是我的血。即刻去洗手間洗走 D 血跡！都係我錯，阻住隻蚊開餐。好心喇，食夠就走啦，係要食到飽先走，仲唔一隻手指捽死你！



3. 落堂之後係 LogOn 買左 D 野就極速回家等人送貨，就係早排講過個部 HP B&W Laser Printer。與此同時就開始執櫃，執左一陣就心血來潮落灣仔買左兩個雜誌架同一疊 DoubleA。話明心血來潮，當然係解釋唔到啦，正常既我回家後會再出街既機會頗微 ... 唔通我已經變左？

回家後再執過，最後變成咁 ↓





係咪企理好多呢。為左搵位放部 Printer，勞師動眾呢，可說是「牽一髮動全身」！



2349，好，我又唔記得左另一 D 野。。。That’s All.