2145，好鬼眼睏。

1. 尋日差唔多朝十二晚十二都係 City 個頭，頭六個鐘就上堂，後六個鐘就 BBQ。上半段時間都上到好攰，結果有位同學代大家熟睡 ↓



有人代睏，夜晚精神少少。咁比原定時間遲左開始，可能大家「唔熟」或者其他，大家都好熱心咁幫手，而我 ... 當然係坐享其成啦，係旁邊吹下水而矣 ↓



睇下，有買抹手紙，呢個安排太窩心了 ↓



不過呢 ... 有 D 野該買就買唔夠 / 無買。有時預多好過預少，該買就買，唔係浪唔浪費既問題。實唔會浪費既，咁多人總會有人有用。反而唔夠用就仲煩。其實起爐個陣燒報紙個下真係好唔掂囉，好多灰。所以第一輪都無燒到，係燒第二輪。不過我無幫手就無謂講咁多 ...

燒燒下 D 炭燒到變左「狗屎」 ... 真係好似。。↓



最後燒到十一點幾就散水，好少見呢條「時光隧道」無乜人 ... ↓





2. 咁好多人燒個 D 食物，一係就大燶、一係就半生熟。有人會食左佢，有人會唔要。食左既人就會話，大菌食細菌，食唔死既。人之所以為人 ... 因為人可以選擇，而且人會有要求。

唔係話食咁多炭就會立時折壽，反正 BBQ 本身都係唔健康，不過食炭既感覺唔太好唧。有人會話你咁唔挨得苦架，對，我是嬌生慣養。無言了嗎？好地地做乜要挨苦呢？點解要自作賤去挨苦呢？反正人人都有苦，點都係各有各挨，點解要額外再挨多一些呢？

其實可以再講多 D，不過有點累。



3. 「化妝」... 其實唔係一件壞事。適當既化妝絕對可以令人煥然一新，有 Fresh 既感覺。有人話化妝係戴面具，我唔會反對。但係我想話，如果你間屋本身都殘殘舊舊，裝修下、油下灰水又有乜所謂，住都住得舒服 D 開心 D 啦。正如「化妝」一樣，化完人靚左開心左都無所謂喎，唔好「非法改建」咪得。

點解有感而發是因為上日文堂個陣，見到有個女同學本身係跌 Volt 底，但係化妝後 + Full Gear 係靚左幾倍，仲厲害過超人變身。咁又唔係話要化得好誇既，化個淡妝都幾醒神吧。有 D 人本身個底好，唔化妝都有化妝既效果呢。



2328，飲杯奶就睏了。That’s All.