2240，點解次次都要咁呢？

1. 呢個 Template 都用左好幾次 ↓



今日 Present，今日晏晝先整個 PowerPoint，仲要係 Present 前 1 個鐘整。趕得切都算係咁。無乜特別既，有做就 B，做得好好既就 B+。都係個句「大有大做，細有細做」。



2. 點解阿媽次次一唔夠講就講「你信耶穌信到咁既」/「你信耶穌信到傻左」呢？我真係唔明白可以有乜關係？信同未信之前我都係咁既脾氣，點解又無啦啦同信仰有關呢？擺到明我知你睇到，我就係想你睇到。我至憎人講呢類句子。

如果信耶穌保你榮華富貴，點解又唔信埋一份呢？
如果信耶穌可以飯都唔洗食，點解又唔信埋一份呢？
如果信耶穌唔洗做就大把錢洗，點解又唔信埋一份呢？
如果信耶穌即刻變做一個大好人，點解又唔信埋一份呢？

遺憾既係信耶穌都可以好霉倒，但點解咁多人信呢？
遺憾既係信耶穌都係要搵餐飯食，但點解咁多人信呢？
遺憾既係信耶穌都要每日死命咁挨，但點解咁多人信呢？
遺憾既係信耶穌都可以係一個大壞蛋，但點解咁多人信呢？

想知點解就自己諗，唔好問人點解。信與不信，我是堅信。



3. 錢 ... 真係唔夠洗。一個禮拜返足 5 日，有幾日必定要係街食，平極都廿幾蚊。食幾餐就無成百蚊，萬一肚餓係街買多個老麥包就死得，個個禮拜實無錢剩。如果呢個時候信耶穌連飯都唔洗食既話，咁就慳左好多錢了。可惜信耶穌都要食飯。

咪意為好風光咁成日去食 Spaghetti House / Pizza Hut，食完之後個個禮拜就霉啦，連買個 $11.5 既老麥包都要諗過度過。大家見唔到咋，我日日都搵部計數機計下剩返幾多錢、欠左幾多錢，依家仲爭 $595 卡數未還比阿媽。一個禮拜 $200 零用，一蚊都唔洗都要儲三個禮拜先還清。黎緊呢一兩個月都唔好搵我打波，波已經打爛晒無錢買，場就更加無錢 Book。千期咪搵我食飯啦，我無錢比架。

你估我真係咁想搵補習做，係屋企坐下唔好，係唔夠錢洗唧。係，無錢個陣問阿媽拎佢實比。但係咁大個人唔通下下無錢都撻大手拎咩，自己唔搵 D Part Time 撈下點得。個陣食飯錢真係夠食飯囉。想話買隻 Game、係街食下飯、儲下錢都幾難。再講，家底有幾多我心裡有數，你估真係幾百萬未開頭咩。

鬼叫窮又窮唔過人，錢又唔係多個人，夾係「磨心」就係咁。依家就爽呀，大學學費全數問政府高息貸款，畢業還廿幾萬。畢業後搵到都唔緊要，至弊畢業後做返老本行既話一萬蚊都無呢。睇見 D 同學個個都係政府 Grant Loan 都不知幾羨慕，畢業就畢業，要還都係低息還款。

真係唔係講笑，如果可以痾金，痾到爆缸都痾啦。← 呢句講左不下數十次。要慳都係由「吃」方面慳架喇，唔食 Lunch 食 Tea，與其食 Tea 不如餓暈咁回家吃。鬼叫我無工做咩 ...



2420，真係「可怒伊」，我篇見證竟然去左 Yahoo! 知識 ... 大家係 HK Yahoo! Search「失敗乃成功之母 安慰失敗者」，係網頁底「相關知識」既第 2 項就會清楚見到。That’s All.