2303，とても眠かった。。。

．呢幾日精神都好差，可能唔夠睏吧。堂走開就會走，禮拜三走左第一堂之後，今日走左第二堂。真係眼睏到跳海。


．今個 Sem 簡直天堂與地獄，地獄既係遇著一個完全唔識教書既 Lecturer，該教既唔教，唔該教既就詳細教，真係天殺。另一邊箱天堂既就遇著一個超有料且識教書既 Lecturer，本身難既科都變得簡單。高下立見。


．地獄 Lecturer 個科真係超唔掂，簡單既野經佢口都變得難。今日佢個科 Test，一收返份 Test 之後，場內粗口滿天飛，可想而知大家既結果是一樣吧。一個廢既 Lecturer 就令到人做 Test 既時候越做越氣憤。


．天堂 Lecturer 個科真係越黎越上力，今日約左另一個同學搵佢傾下黎緊個份 Assignment。Lecturer 既 D 意見真係有用喎。都唔明點解呢個 Lecturer 可以咁堅！呢一科真係不容有失，唔拎返個 B+ / A- 或以上都唔夠拉。


．回到家之後就即刻填做 Teaching Feedback Questionnaire，花左 D 時間填左天堂 Lecturer 個份 TFQ，Comment 個 Part 寫左百幾字黎稱讚呢個 Lecturer。明解地獄 Lecturer 個份 TFQ 無得填既？


．Google 真係好勁，依家連呢度既圖片都納入 Google 既搜尋範圍！


2335，呢兩三日應該可以抖下 ... That’s All.