2250，萬大事都係折現好。

1. うれしい！たのしい！大好き！即是「高興！快樂！我愛你！」。呢首都應該算係 Dreams Come True 既熱門歌之一，首唱係 1989 年。。。Dreams Come True 既地位可能無 Mr.Children 咁「高」，但都係差無幾架喇。看一看 N 年前既 Live ↓



PS. 呢個 Live 同《FNS 歌謡祭》有頗大分別，個人鍾意後者版本多，感覺上吉田美和 (DCT 主音) 唱法更成熟。

如果話 2005 年 DCT 既《何度でも》係失戀後既鼓勵歌，咁呢首《うれしい！たのしい！大好き！》就應該係熱戀時期唱吧。我都係咁岩係今年既《FNS 歌謡祭》聽的，真係幾唔錯！節目當中 DCT 唱左三首歌，三首歌分別形容不同既戀愛時期，分別係初戀 / 剛相識時既《Love Love Love》，失戀後既《何度でも》，最後就係熱戀既《うれしい！たのしい！大好き！》！

雖然睇唔明日文歌詞，但係坊間都認為吉田美和填既詞係好有意思同感染力。DCT 的確係好野黎！



2. 天氣咁凍，本來諗住唔出街，但係又醒起約左人，結果都出左。該買既野買左，該做既事都做緊，都幾順利。爆左幾個爛 Gag ↓

．我鍾意淺色，但唔代表係粉色。 ... 同時我都鍾意「錢 ... 色」。

．有多少 Design 既 Xmas Card 都幾貴。咁就不如係一張 Card 上寫幾年「Merry Xmas」，咁就可以慳 D。又或者將張 Card 剪開幾份，一年寄一份，等夠幾年就可以儲齊一套。呢個方案絕對行得通，仲可以吹到話睇下我地仲 Keep 唔 Keep 到做多幾年朋友！

．如果用一蚊銀仔貼係身上當衫著，剩係左右臂都要幾百蚊啦，砌埋個 Body、雙腿，成身都起碼成千銀。所以全身裝束都唔好超過呢個價，唔係搵錢貼算吧。

以上既野好無聊，仲有 D 「一舊舊」，明就明，唔明就算。



3. 行呢條樓梯，行到腳抽筋 ... 之前都貼過 ↓



真係要死有幾難，一差錯步便行了。



2345，明天要想想部 Wii、PS2 放在哪了，又係時候執一執枱。That’s All.