1300 @ Dec21，Something Strange ...

1. 一起身就準備動身返 City 傾下份 Group Assignment，亦都因為咁，就睇唔到《心花放》大結局！早知唔揀今日返去傾啦！傾少 Hea 多，幸好最後都得到共識，結果係用 WarCraft 整飛行棋。發明飛行棋既係法國人 ... 雖則祖國有大量生產飛行棋。玩飛行棋同玩 Uno 一樣，要玩之前傾下 D 規則，唔同人就有唔同規則。例如有人一定要擲「六」先可以起機，有人就話擲到雙數都起得，總之就係各處鄉村各處例。

傾左一陣就去吃下午茶，又係吉吉家 ... 無他既，又平又飽肚。今日無「批鬥」，講下爛 Gag 咁就散水。我就回一回家卸一卸重物，之後再出 CWB 行街。

買衫真係好煩，睇唔耐都睇唔岩款。咁好多 Boutique 都做 Season Sale，但係平極都要用錢買既，有時貴又未必一定岩心水，所以都持「謹慎樂觀」既態度。ZARA、FCUK、Tommy Hilfiger、Club Monaco 個 D 款係比較「Samrt Casual」，可惜一係就太厚、一係就質地差、一係就難打理，所以都無買到 ... 而且心儀既款色又同其他香港地道牌子既貨員差唔多，但 D 質地又唔係話太大分別，無理由齋買個 Brand 架，又唔係大大個 Brand 印係心口，真係無人知件衫係乜 Brand 的。都係 Sports Wear 方便，但係人地又話要「Smart Casual」，真係好難諗。

亦都因為少少的問題而有爭執 ... 幸好又無事了。不過 ... 衫既問題還是無進展，拖下拖下話唔定又唔買，反正天氣都差唔多。呢幾日都係短袖衫 + 長袖褸 ... 我覺得「褸」比衫更重要，特別係質地！厚唔代表暖 ...



2. 今日真係非常感激 Alice！部 PS2 同 Wii 回到我手上了。兩部機加埋 D 配件都真係好重好重。辛苦晒 Alice ... 原來佢咁好力既 ... 哈哈。

夜晚回到家清一清 D 位黎放返 D「新歡舊愛」，都搞左好一陣。舊愛遲 D 先講，講下新歡先。首先，當然係 Update 部機先啦，同時就試下隻教大家點玩 Wiimote 既《はじめてのWii》↓



隻《はじめてのWii》真係好教學 Feel，裡面 D Game 都幾無聊下 ... 不過見佢 Bundle With 一個 Wiimote 先買佢咋。跟住就試下隻高達鎚仔，我好鍾意呢種畫風 ↓



呢隻 Game 真係玩到手都震 ... 要係咁 Fing ... 遲下要買充電磁，個 Wiimote 要用 AA 電，如果成日玩，都好快會無電 ... 充電磁抵 D。同時要買張 SD Card 用黎做 Save Card，依家 D Save 係 Save 係部機既 HDD 內，不過想同人交換 Save，就要用張 SD Card 吧。以上項目都係要錢！！

PS. 真係非常非常多謝美女 Alice。



1345 @ Dec21，化妝真係靚 D 既 ... 妳話係咪？That’s All.