終於睇完套《在世界中心呼喚愛》。結果呢。。。係好平淡咁睇晒，無乜話特別激動既，係有 D位有少少眼濕咁 (哈，係我冷血。)。主腳方面呢，少女亞紀演得唔錯的說，少年朔太郎同壯年朔太郎都好有傳統日本人的味道。劇情方面如果唔太鍾意愛情 (純愛) 電影的話係絕對會話悶的，其實個故事都真係幾老土下，一男一女 + 絕症 + 生離死別。這個少女亞紀病危個個樣都真係幾嚇人的說。另外，我覺得最唔掂就係 D 配樂，硬係無乜 Feel 咁。。。平井堅既《輕閉雙眼》竟然只係結尾 Roller 出個陣先播，個人覺得有多少浪費喇。呢套戲二月十七香港上 (點解唔係Xmas / St.Valentine 前上呢？真係令人費解。) ，如果係情侶 / 細細班人有男有女既話都值得一睇既。另外呢套戲係改篇自小說的，聽聞都幾賣得下。有本中譯小說較唔錯的就係樓下呢本，不過要買就要襯早，唔係遲下上左套戲 Hit 左既話仲難買呢，推介呢。



另外點都要貼一貼平井堅既《輕閉雙眼》歌詞，說實在，同套戲好夾的。總知就正呢，有機會都要聽一聽喔。

每當早晨醒來 你脫下的軀殼總在身邊
過去總能感受到你背後的溫暖 今天卻是一陣寒冷
停止苦笑 拉開沉重的窗簾
炫目的朝陽 每天追趕著我
那天讓你見到我哭泣的臉 眼淚映照著夕陽
每當我祈禱著能夠卸下肩膀上的溫暖
我的心 與身體 卻都牢記著你

Your love forever 輕閉雙眼
在心中描繪你的樣子 這樣就好
不管季節將我的心置於不顧

有一天對於你的事 我將會失去所有的感覺吧
所以現在我仍然懷抱著這痛苦入眠 也無所謂
那天我看到的星空 許下了願兩人一起探尋那光芒
雖然瞬間就消失了
我的心 與身體 都因為你而閃耀

I wish forever 輕閉雙眼
在心中描繪你的樣子 我只能如此
即使世界把我留下置於不顧

Your love forever 輕閉雙眼
在心中描繪你的樣子 這樣就好
儘管季節將我置於不顧 自顧自的改變顏色

我搜尋記憶中的你 這樣就好
超越了失落而獲得的堅強 是你給我的 是你給我的
---
頂！破壞晒 D Mood。。。想話靜靜地係度睇下戲喊下姐，你地咁都唔放過我。。。快 D睏喇，咪係度阻住我，就快睇到戲肉啦。。。我要喊！！！唔好阻我的說！！！我寧願夜睏 D都等屋企人睏晒先再睇落去！哼！諗落去可能要三點幾先睇得完。。。
---
人衰連行路都打倒「吞」。。。諗住 Scan 點野，點知用到部 All-in-One Printer Hang 機。。。真係唔係嘛，真係第一次見。。。早極都成九點半先食飯。當大家都倦死既時候竟然無喇喇屋企人走去廚房唔知整乜野，夜媽媽，走 D 去睏好過喇。家陣都未沖涼，仲想話今晚睇下套戲喊下添。

好討厭夜晚，一夜就易亂諗野，又變得無晒理性 → 只有感性。。。唉。。。何奈每天都有夜晚的說。算把，Send 完 Message 就開戲，套戲兩粒幾鐘，應該兩點幾先得完，希望真的有 D 位可以令我落淚的說。哈，大家睏唔著可以搵我，今晚睇完都可能睏唔著。
---
唉。。。今日可以用兩樣野形容自己↓


唉。。。說來話長，但係點都要講。這個今天睏到六點零到想起身做下野，想一口氣打晒個 Diary 等人 Auto Update 佢算，咁今日就唔洗再打，但係諗諗下又想睇個套《在世界中心呼喚愛》。但最後諗下諗下就再睏著左 (這個天秤真的不爽呢。) 。。。這個到朝早九點半鐘既時候，奪命追魂 Call 到。。。搞到我醒左，個陣勁燥，差 D 鬧錯人添。。。聽完個電話之後，原來整個位師傅已經係樓下。。。飛奔咁熄晒三部電腦，真係趕到我呢。。。無電 → 乜都做唔到。電腦又無得用、電視遊戲機又無得玩。。。理應係讀下書既好機會既，不過真係無 Mood。挨到十一點鐘到叫醒細佬叫佢睇住，我去睏覺。咁這個「悶」既棒就交左俾佢。。。最多俾部 NDS 佢玩下解下悶。。。不過其實都真係好悶，佢頂到成幾個鐘都算幾好野，我一粒鐘都唔得就要睏翻。

如是者，由十一點鐘睏到四點鐘。。。其實都睏下醒下，睏到整完晒就起身。個陣都未開翻 D 電腦，走去睇左陣《忍者龜》。睇到去賣廣告既時間諗住開翻個掣開電腦。點知最神既野發生左係我身上。。。部電腦「POP」一聲，當時都唔知乜事。望下部電腦，噫，熄左既？！再望望火牛。。。頂！出白煙。。。嘩，用左咁耐都未試過咁恐怖。咁個火牛就報銷左。。。今朝已經熄好晒 D 電腦拔埋插蘇喇，真係無喇喇搞 D 咁既野。。。好彩係最舊果部電腦爆牛姐，你話新 D 個部爆就真係死俾你睇。。。之後睇埋下半集既《忍者龜》，睇完就將部舊腦既 Harddisk 同 DVDrw 搬翻去新個部用。家陣希望剩係個火牛爆，無燒到底板喇，不過又要洗錢買翻個火牛。

家陣到五點半，心情都未平伏落黎。。。本來想約人今日出街睇戲。點知又約左朝早黎整電箱。。。尋晚又夜翻， D 朋友仔又已經下線，唔係我實唔會係屋企「偶菇」。今日已經睏左約平時兩日睏覺既時間。唉。。。又無人可以開解下我。