成個故事出晒來了～★ 拉下少少看看。

另送涼子姐姐貼圖 :D

---

屈指一算都已經七年了。。。七年真的不是一個短時間。對我黎講絕對無「七年之癢」，話時話如果拍拖七年都唔同人結婚的話真係想點？等散把啦。哈。七年我都無變心，雖則中途曾經動搖過，不過到今日都仲係咁鍾意佢。真想大聲說我喜歡你！

從中二的那年開始認識她。相識的經過已經不太記得了，只記得當時覺得她很可愛 → 靚。當時連她的聲線是怎樣都不太清楚。但是已經被她深深咁吸引住。平時見面的機會並唔多，可能一個月才有機會見一次面，所以我都好珍惜見到佢既機會，任何有關她的一切我都想知，只要是她的消息我也會十分留意。說實在，她是我的第一次。有一次還把她的照片製成了書簽，友人還問我這是你的表姊嗎？我對他說，不是呢，她是我喜歡的人。本來我一向都無睇少年雜誌的習慣，但是為了她，我竟然走去買 Yes! 。當時還有好多人鍾意佢，甚麼甚麼乜乜投票她差不多是票王來 / 是甚麼最受歡迎的。為左可以見多佢幾面，個時仲特意訂購東西。那時真的開始迷上了她。儘管當時資訊無咁發達，但係情況都無現在的那麼壞。

往後的一年半，她的風頭還是這麼厲害，害我也被她弄到傻了一樣。開始訂更多的東西回來，花的錢真的不少呢。但好景不長，她的風頭令她招來了很多閒言閒語，當時有關她負面的消息是正面的消息數倍。同時，衝著她而來的女仔也接踵而來。。。有很多人因此離棄甚至討厭她。但係我無離棄佢，甚至比以往更支持佢。但之後她還過了兩三年低潮。。。我也較少注意她了，但未算離棄她，不過新的對象也出現了，幸好最終還是選擇了她。

直到約兩年前，機緣巧合再次見到了她，發覺自己還是一樣那麼喜歡她，無任何一個人能夠代替她在我心目中的地位。雖然依家佢已經找到了好人家，但係我無因為咁而失落 (因為根本無期望過，夢都無可能會造出來。) 。希望佢無揀錯人喇，大家都祝佢幸福的。直至這時這刻，我還是那麼喜歡她。
---
故事的下半 Part，看看↓

她是誰？我想這個人常常掛在我咀邊的說呢。佢咪就係廣末涼子 ← 反白看看。想當年咁岩吹正東瀛風，自己好好彩有機會知道有「廣末涼子」呢位明星。當時日本藝人既新聞真係少之又少。要搵佢既新聞唯有買雜誌睇下。之後開始訂佢既寫真集同月歷 (最記得第一本我買既寫真集叫 No Make，仲要係中譯本個下先堅，本野仲好好咁保存住。) ，仲會買下佢一 D 既卡咁。當時有款係日版卡，每包裡面會有一張同相片一樣既涼子姐姐相，就係個張相拎左去過膠做書簽，可惜之後唔見左。。。

九七、九八個兩年佢真係紅到好厲害，又唱歌又拍劇，仲上左一次紅白大賽，好似破左當時年紀最小的表演嘉賓呢。但係差唔多到二千年佢既負面新聞真係源源不絕，又話佢癡左線又話佢隨處小便。當時真係有多少動一動搖。之後個就咁沈落去，直到近年佢先出翻黎，由偶像派變為實力派，睇佢 D 戲都覺得有 D 料到，算係無令各蕃薯失望喇。

話時話，佢真係可愛到極點，雖然唔知佢有無扮，但係唔似扮可愛，似真係可愛。不過其實佢唱歌就一般啦，典型靚女唱歌個隻，不過有幾首都 OK 好聽既。自己都有佢一兩隻大碟。唔好以為我係佢蕃薯就睇過晒佢做既戲 / 劇。其實我睇得唔太多，只係睇左《奉子成婚》、《前男友》同電影《秘密》。其他個 D 唔係無睇過就係睇到一半唔得閒睇埋落去。算幾可惜下，碟就已經有，不過未有時間睇落去。

之前都曾經想轉移目標至其他偶像，好似上原多香子、松隆子、松浦亞彌等等。不過始終都係鍾意涼子姐姐多 D。人地銀包會放將自己心愛 / 重要既人既相落去，哈，我就正正放左涼子姐姐自拍相落去，見得佢係我心中有幾重份量！未試過放佢之外既女孩相落去 (好似最早期係放過松隆子既，唔記得了。)。其實家陣都係度搵緊有無一 D 新既明星可以令我動心，不過似乎就未有了。家陣好多涼子網站都關掉，想搵佢既資料都真係唔易。想當年日本女明星之中佢既網站數量係最多的！

睇晒之後係咪有 D 「俾我激死」/「我好無聊」既感覺呢？係就正常，哈哈。

---
細佬同我講左樣好神既野。。。佢話「梗係唔知邊個祈禱話想你用少 D 電腦，所以你家陣一開電腦火牛就出白煙，神改變唔到你既思想就令到你部電腦壞掉，係神跡黎架，快 D 信耶穌喇。」