2330，仲攰過踎係街 dup 石仔 ...

今日做過既事 ... 就係踩單車！早出晚歸，朝早九點就出門夜晚十點幾先回家 ... 十個疲倦我比足十個。一早就去到火炭同同學會合，之係去麥當當吃個早餐，今日係連續第二日吃麥當當早餐了。Well，食完之後開始齊人租車，租一日只係 $20 咋！D 車又 OK 喎，真係好抵！！

由火炭出發，途經馬場、吐露港、大埔、最後到達大尾篤，花時三小時，吃個 Lunch 後就到船灣淡水湖堤霸 ↓



風景係 OK 既，不過真係好遠，同埋超多蚊滋，真係唔明以前 D 情侶談心鍾意去呢 D 咁既地方 ... 堤霸有幾隻可愛小花貓 ↓



是日餘興節目 - 同學跌電話，咁就成班同學幫手在堤霸上找，個個就係咁既 Pose ↓



呢將圖都可以入 Hall of Fame 了！最後當然搵唔到啦，對個位同學來說，真係損失慘重 ... 話就話用三小時踩入去，不過係等 D 踩得無咁快既同學等得耐，無理由 dum 低一兩個慢既就唔理架嘛。所以我係墮後個一批，都踩得 OK 輕鬆。回程既時候去到一半，墮後個批同學之中有 D 無晒力再踩，咁就撘的士回程。

前面那一批既同學當然拋離好遠啦，咁墮後既我們要追返上去，同時都趕住還車。臨尾個六十分鐘全程狂踩，無停過 ... 個陣都天黑，無乜人，其實都幾危險下。有乜事抽筋、炒車都搵唔到人幫手。真係谷得好盡，都有少少抽，不過都要踩落去吧。最後墮落既兩小隊人都準時抵達目的地，算係咁了。唔係講笑，個個都踩到腳軟軟 ...

踩完之後成班同學食個晚飯吹下水咁就一天了 ... 夜晚凍左好多，好在有著褸唧！不過今日吹左成日風，塊面好乾，要保下濕先得。冬天既太陽都咁猛既，手背同鼻尖都曬紅左！？



2423，其實今日都差 D 比車撞！？其實都差好遠既，係有少少驚險場面，好彩無事。That’s All.