2220，一整日都在家攤抖 ...

1. 回想昨日 ... 其實某 D 場面都真係幾危險 ... 遠處看見架的士駛埋黎，同個司機四目交投，投左一兩秒就過左段馬路 ... 入夜經過地盤工地出入口，好在有個人幫手做個 Stop Sign，如果唔係分分鐘比架駛出黎既車撞瓜 ... 單車隧道無人，唔 Brake 咁由得架車衝落去 ... 個陣速度真係好快，萬一少少不平衡就已經斷骨了。

其實要死真係夠死幾次，但都無事，真係 Thank God ... 越諗就越危險，估唔到我「安全第一」都會咁危險 ... 我仲有好多野未做，唔可以咁快有乜冬瓜豆腐。

最攰係昨晚食完飯之後個段時間，反而今日起身都無乜肌肉疼痛。也許係平時運動夠，哈哈。尋日個種攰，大約等同連續打兩三個鐘羽毛球吧。平時都係運動完後即刻攰，第二日就乜事都無。所以平時做運動係好習慣黎！



2. 今日出左 GPA 了，單計呢個 Sem 其實都唔錯。不過有 D 科真係有多少出乎意料，又係該高 Grade 就低 Grade，諗住低 Grade 既竟然有高 Grade。Year 1 Sem B 同 Summer Term 都拎唔到 A，今個 Sem 終於比我拎到個 Straight A，真係久別重逢！

諗住打電話同人傾下閒計，但係無開電話，惟有聽日再打過。另今日終於找到失踪已久的肥仔 ... 半工半讀，係好辛苦吧。肥仔講到「手停口停」，都幾嚴重吧。算係約左佢，不過都要等佢 Confirm。真係唔提唔得，肥仔不斷聲稱佢係「正人君子」，仲扮唔知、扮唔記得囉。



2323，哈，我已被加分了！That’s All.