1. 好搞笑，有個人同我咁似既。分別就係我十九歲 + 個樣唔OK + 無學琴，其他野差唔多一樣。



睇晒成個 Post 之後仲心傷。原來男仔只係高到 20 歲，我得翻九個月到高。。。而且要 175cm 先叫正常。偶只係得 <165cm。。。看來我已沒有再高的可能了。。。也許一世個樣都係咁臭小孩。

[來自 GAF]
2. 今朝死蠢左。。。唔應該飲 Latte，應該帶樽白蘭氏雞精翻去！一覺炆既時候就拎出黎飲，看似這個皮 struction 都蠻高下，要減一減低下。就係今朝個 Workshop 搞到我成日炆炆憎憎，又無乜心機。
3. 講起炆憎，聽日又要一早上虧佬堂。。。本來想話做下上堂 Lecture 既問題，由這個兩點半望到三點睏晏覺，到起身七點幾望到八點，到食完飯十點望到十點幾，都仲係一個字都打唔到出黎。佢個問題真係好有「深度」，我都唔知點答佢好。條友又唔 Upload Lecture Notes，想話 Pre-Lesson 都唔得，無計，人賤做野既方法都衰 D。唉。。。聽日希望有得坐後多少，一本唔洗俾佢噴口水，二來睇個 Screen 都舒服 D。講定句「頂！」先，聽日實炆到我變扭紋柴。
4. 好彩今日無上個 Tutorial，不出所料，的確係廢。看來每週一晏晝既活動都係「炆憎」同「睏晏覺」。。。真係太痛苦，上堂上得開開心心都話無所謂，至慘越上越勞氣，一勞氣就好傷神同傷身。
5. 無乜心情，早 D 睏算。。。聽日肯定同今日一樣咁炆。一樽雞精都未必夠，可能要成打飲到留晒鼻血先得。可怒伊！
---
這個翻八點半真的太早了。。。真係天未光就要起身，出門個陣個天都係不太光。。。好彩就係坐一程車就到，可以睏下。真係咪睇我好似好精神，其實好似無睏過一樣 → 迴光反照。過左晏晝肯定會變左條喪屍咁。襯住仲有精神既時間就打多幾隻字，睇多幾句。

之不過這個朝早既 Workshop 令我好氣憤！一來條友又實牙實齒話部機實 Boot 到。真係 Boot 佢個死人頭，眼見成五、六部電腦裡面 D Hardware 都裝到不知所謂，搞一大輪部機先用到，真係頂佢個 X。時間就已經晒左唔少，咪唯有力追上去。細心睇下 D 問題，乜都話要 Explain，唔係嘛。呢 D 野唔係唔應該問，係問得太多，好長氣又煩。咁煩都要做架，又做落去。去到一半割完 Partition 無喇喇 Restart 完之後又無翻個 Partition。有無搞錯啊，好彩我態度強硬無俾個 Tutor 動搖我意志，之後佢就出術用 Partition Magic 走去搞。

又一路做落去，睇真 D 真係無可能完成個 3 個 Section。都癡膠花，做就唔難，下下要 Explain 個下先煩。 Explain 得黎就肯定做唔晒，開始 / 中途又俾 D 非自己既錯誤而阻住。結果後尾都費事試，一味自己寫就算。至賤就係個 Instructor 走到埋黎話「做得慢」個下先衰 (佢個 Tone 又唔多好個隻。)，本能反應已經講「開始個陣同做緊個陣部電腦太多問題都做唔到。」條友都識補飛話「唔係怪你地做得慢」。雖然佢講就咁講，心係點諗係人都知。真係想郁佢 (之後言語上都有攻擊下佢。)，開頭又講到部機無問題。其實中途部機裡面有事既時候都搵個佢，大家一拆機箱佢就話「張 RAID 卡都未插好梗係用唔到喇，搵野上翻實佢。」。個陣真係火到我呢，就同佢講「部機一翻黎就係咁架喎。」，之後佢又打圓場話「咁由得佢」。睇下幾賤。大爺，部機係咁就一開始話到明要自己 Check 裡面先啦，浪費晒 D 時間。另一班既同學仔都唔知做乜，砌到部咁既機出黎，真係應該問刑一番。

唔係怪任何人，隔離班既同學砌得唔好唔緊要、Tutor / Instructor 唔 Check 佢地既機都無問題。但係都應該話聲大家知 D 機有問題好嘛，真係搞餐飽係度點解用唔到完來係硬件問題，真係激死。

另外有時同埋一個組就應該互撐的說，唔好話等其中一個人接受 Instrutor / Tutor 既洗禮，另一個就坐係隔離扮小綿羊。睇見就有點酸溜溜，真係好慘的。完全慘不目睹。個 D Moment 真係旁邊既人想幫都幫唔到。唉。。。真係唔好意思。