2415，哈，好乖呀！！

1. 咁呢，講下身體近況先。早前咪話右膝乏力既，現在 ... 右膝比之前更痛，而且連普通行街既時候都痛添，都 OK 嚴重。希望唔係傷左韌帶啦，唔係手尾長 ...

右膝係睏街之後開始痛，但係又唔覺睏街個陣整親。係睏完街之後個朝打波之前發覺右膝有點兒乏力，打完波之後，可能整得更傷，咁就到今日了。計埋大約都有成個禮拜了！本來想今日同 Co 爺打平波，但係膝痛都取消了 ... 我諗要抖多一兩個禮拜先好得返 ... 明天同學話落堂打羽毛球，好想打，球癮發作 ... 不過右膝又痛，如果有場既話，我諗我會 Hea 打，郁少 D 對傷患影響少 D 掛。



2. 晏晝接人放工，感覺良好。到了 188 買 Wii Game，就係呢兩隻 ↓



《Wii Sports》同《火炎之紋章》。掂啦，有新 Game 了！又係去返 188 間金龜買，前者 $270、後者 $380，本應係 $650。但係唔知點解個老闆娘計到 $630，突然平 $20，我覺得好抵呀！！Good！

之後到禮頓道間仙跡岩吃 Tea，之但係其實間食肆係無 Tea Set 的。咁 Order 左四種東西，共 $65。就食物來說，是 Tea 的份量；就價錢來說，是 Lunch 的價錢。那個抹茶吐司 ... 無味既！反而朱古力雪芭就真係唔錯既，人家極力推介，我都覺得不錯，$20 一杯。

吃完 Tea 就行下街買下野，有人先洗未來錢，哈哈！不過個袋係幾靚既。今日睇到 FCUK 有個斜袋幾好睇又唔太貴喎！可以諗得過。哈，估唔到 HMV 可以睇咁耐呢。



3. 本來約了林老師吃晚飯，但係老師身體抱恙，要擇日再聚。咁岩肥仔又無啦啦搵我，咁就搵佢一齊食飯。咁我 + 女友 + 肥仔就係世貿既 Rice Paper 吃飯 ↓



點解會三個人咁搞笑？因為女友想話見靚仔，所以就搵埋肥仔了，哈哈。言歸正傳，呢間 Rice Paper 係食海景、餐牌、裝潢，主打既食物真係差到爆。我唔介意貴，只要負擔得到都無問題；我唔介意唔好食，只要衛生就無問題；但係我好介意貴得黎唔好食！呢間 Rice Paper 絕對係其中代表！

呢間食肆 D 食物淡而無味 ... 或者係另一個角度來看是「Fresh」吧，好健康架，碟碟都有幾塊生菜 ... 我的天呀。係有一種難食到唔想再食既感覺！好耐都未試過了，比預期差得好緊要！自己預計要 ~$470 埋單，但係結果竟然係 $400，突然間平左。我又覺得好似抵左咁 ... 假象黎既。千祈唔好再去 Rice Paper 吃呀！



4. 離開既時候 ... 比我知道左一件事。那件事令我再一次覺得「執到寶」+「好好彩」呢！哈，真係好 Surprice 呢！


話分兩頭，呢期興「落難的貴族」。我好鍾意呢個 Term，係來自友人 Wilson ... 如果係中世紀歐洲既年代，我諗我係落難的貴族吧 ... 只剩不值錢的價值觀、傲氣，重要的錢財卻沒有。



2522，是日完，明天開學了。Assignment 還未做好。That’s All.