2315，今天已經要返學了。

1. 今朝出門前係 Wii 度整人樣，以下呢兩個樣邊款似我個樣多 D 呢 ↓



除左表情唔同之外，最大分別係個「鼻」。邊款鼻似我多 D 呢？大家請比下意見給我。



2. 返學無乜特別，放 Break 個陣拎左兩大疊 CE Past Paper 去釘裝。電動釘裝機果然係慳力，按個掣就打左成排窿，爽！如果手動既話，釘唔夠半疊就已經手抽筋了。釘完返去上堂，個 Lecturer 重話我同另一個同行既同學出左去 25 分鐘，都無辦法，笑笑口就當無件事。

落堂之後同同學打羽毛球。係咪好奇怪我膝痛都去打羽毛球呢？其實一 D 都唔怪，因為激烈程度遠比同 Co 爺打低，可以話係 Hea 打，所以都無乜大問題啦。右膝係好轉左既，不過都係無乜力水。我諗到下個禮拜尾應該都好得七七八八卦 ...



3. 夜晚終於開左隻《Wii Sports》黎玩，真係會玩到手軟喎！哈，原來有熟練度。等我練熟 D 先！呢期原來都好多野做，重要係今日先知。Dead Line 分別為本週日、下週二。

話分兩頭，我諗大家都走寶了。今晚 Pearl 播既《Lost in Translation》係好好睇的 ... 可惜我都無睇到。但係我有碟，哈哈。



2358，眠一眠。That’s All.