哈，唔等得了，再繼續 Update！

1. 《魔界小金毛》真係好搞笑，今日晏晝個集仲要特別搞笑，Cap 左好多張圖留作將來不時之需，俾 D Sample 大家睇睇 ↓



2. 笑完一大輪之後都唔記得左做乜，都係頹廢咁過日晨。今日晏晝無睏晏覺，嘰嘰。細佬又唔陪我打 Winning，等我大炒電腦。。。好無癮。。。

3. 本來諗住睇下 D Notes 咁，點知搞左成日都無睇過。。。不過都花左多少時間諗下點解決 D 問題咁。今日由三點幾開始就同幾個 Friend 分別討論下 D 問題。最後決定左豁出去做！都唔理得咁多後果了，這是一個 All-Or-Nothing 既事情。就算失敗都總算試了 (當然希望成功啦，不過任何事都無絕對。)，你地都頗瞭解我未必承受得住另一次打擊，但係再唔正視 / 處理個問題既話對自己都唔太好。無事就無事，有起事上黎真係好影響我心中的天秤，個天秤一左搖右擺既話我就真係「坐唔安，食唔樂」，文雅 D 叫「心如鹿撞」。總知一日唔解決，一日都唔安樂喇。

4. 基本上會用到野已經諗好晒，差在未出去買。等我聽日出灣仔 / 銅鑼灣睇下有無一 D 心水貨品。無既話可能真係要託人幫我去訂翻黎，但係訂又有個風險，唔知幾時先到手，萬一農歷新年個陣有 Delay 就麻煩。希望訂左一個禮拜內到手啦，唔係遲左就可能失去意義，咁就晒左。

5. 今日無睏晏覺，希望今晚可以睏過好覺。睇下可唔可以乜都唔去諗就睏著！
---
家陣十點鬆 D，尋晚都蠻夜睏，成四點幾睏。尋晚夜食飯夜沖涼，可能之前睏左幾粒鐘晏覺既關係，未算太攰既。咁就一口氣睇翻之前錄低既 《CSI》 同 《Nip / Tuck》，兩套劇都唔錯的說。不過講血腥，雖則無記已經 Cut 到成套劇體無完膚，但後者既開刀鏡頭都令我嚇個凸。食飯個陣真係唔好去睇，唔係會嘔都唔定。

尋晚聽大姐明做訪問，發覺自己有多少情緒病 (係唔同精神病的！) 既徵狀。。。看來要看醫生的說吧，不過無錢，有無人肯俾錢過我睇醫生。 XXD

四點睏到十點，看來今日都會睏下晏覺的說，襯暫時仲有精神做翻 D 有意義 D 既野。
---