1. 果然入夜就出事。。。我知我應該要點做既，都會去做架喇。你地放心吧，我諗我應該唔會有事既。有事既頂多見唔到我，Is that alright?

2. 呢兩日真係好多謝 D 朋友仔同我傾左咁耐，有老有嫩，係無女性，全男性意見。不過都唔理有無討論結果，都好衷心多謝大家。尤其係晶哥，真係打搞晒你了。遲下都可能再有問題，個陣都要打搞你了。學你話「Good Luck to me ya!」

3. 今日都有同 D 朋友傾計，今次唔係問題討論。今次係「閱讀理解」。。。篇文章唔係長，隻隻字都好淺白，但係內裡意思非常深奧。。。睇表面睇得明既，不過要準確知道作者用意就真係十分困難。難度唔止係 AL CLC，直情係文學級數！篇文章所表達既野真係得個「估」字，唔同年齡層所能理解既都唔同，有正面，有負面。不過都係一句到尾，「唔知點解。。。」

4. 問題好似變得更嚴重 + 複雜，可以話係嚇一嚇，有點搞到我又再次唔知點好。其實要弄垮件事情好容易，不過真係好想好想處理得好佢所以先考慮咁耐。今日晏晝又睏左晏覺，希望今晚可以睏得好好地啦。聽日仲要翻早，頂！

5. 有幾件事令我對聽日都有 D 期望的，一件就係可以去 TomLee 度買 Avril Lavigne 既演唱會飛！已經籌夠期的說！另一件就係聽日約左老師見面，又可以再次討論問題，不過應該做唔到「閱讀理解」。係度諗如果我同佢講個個問題，佢 80% 會同我講「你仲好後生姐，仲有大把機會，唔洗咁快諗到咁灰。今次失敗左既咪可以專心讀下書，男仔要以事業為重。」。這個是直覺來的。。。究竟準唔準要聽日先知了。買盒朱古力過佢都好喎。

6. 朋友仔 Send 左首 WestLife 既 《I Don’t Wanna Fight》過我聽，佢話岩我聽喎。咁聽聽佢都覺得 OK 好聽既，阿好友仲要話睇框左個 D 歌詞，不過要單句咁睇。你都幾別有用心喎，哈，多謝你↓



7. 明天又回復正常了。應該係 D 朋友仔面前都可以扮作無事發生過掛。。。明天既事明天先算。
---
今天有位朋友仔 Send 左個 Message 黎都覺得 OK 意外下。不過佢講既野又好似幾真下。佢問題好簡單，就係問「Victor 去左邊」。本來都唔為意佢講乜，之後佢話「Victor 哥做乜呢期搞成咁啊，好少可喎，你唔係好硬淨咩？」。本來呢 D 帶挑戰性既句子會引發我雄辯既心出黎，但係聽落佢咁講又好似想同我講 D 野咁。咁又講下個 D 問題咁，不過佢都無正面回答問題，係度帶我遊花園，仲好似引發更多既問題出黎。。。真係俾佢激死。

首先呢，佢話我變左好多，變得更猶豫不決，太感性。以前識落都唔覺得我係呢類咁既人，仲以為我乜野都好冷靜咁處理。其實唔係變左，只係問題既複雜程度高左好多好多，我自己唔知點處理先好。一講到呢度，佢就話我第二個問題又出現，就係每件事都唔想令到其他人覺得難堪 / 受傷，結果咪令到自己煩上加煩，又話要學會顧及自己感受多 D。呢個世界無可能完全唔傷害任何人，如果要以零損害既方式完成事情，難度係會幾何級咁上升，聽落又幾岩喎。

PS. 題外話，如果朋友能夠為較影響其他人多於被人影響，或者相反。我相信自己係一個影響其他人多於被人影響既人，可能自己已經被影響左，不過暫時自己都唔太覺。

之後佢失驚無神講左句「你咪以為自己聰明仔先得架，其實最蠢個個就係你！」即場呆一呆的說呢。。。跟住佢就話「你自己處理唔到咁多問題就唔好將自己掟入咁多問題之中，你係唔值得人可憐的。」。噫！又有 D 道理，其實算係自己懶 / 逃避問題的說。。。要做都可以做到既，不過唔成功既機會大。友人一棍摳落我個頭「喇！你放低多少自尊心 / 好勝心好唔好？你係叫 Victor，不過你絕對唔會無時無刻都係勝利者，我見你都好少認錯啦。人總會有失敗，多少視乎你點計劃，不過點都唔會一定成功。」。這個「人總會有失敗」我倒是認同，但係有時自己做得到既咪做好少少。。。不過一講到「付出不等於回報」又有另一番見解。雖則呢句說話係真，不過唔好話付出好多好多但係回報係零好嗎？

除左蠢之外，佢再次直言話「你改變下你說話既方式好唔好？你下下講到咁玄！人地點知你想講乜，又唔知個句野係咪同我講。你一日唔改你一日都唔會成功！」。我承認我講野係留有空間，呢個空間其實唔係想令人誤會，只係預備個下台階俾自己落台。我都知下下咁講野點都會有問題發生。但係我都唔想俾人「傷害」先唔講野講到咁 Firm 姐，我真係好無安全感的說。OKOK，我試下講得 Firm D，不過話時話，之前都有人話我講野講得好玄。

最後就係話「你唔係對 D 朋友唔好，係對個個都咁好。咁人地點知你係想點姐。家下唔係話叫你唔好對 D Friend 好，不過盡量做到有 D 分別會好 D」。噫，岩一半啦，我對某 D 人係特別好的。不過係你唔會知的。其實都已經有個分別架喇，不過可能真係微不足道，無人留意到掛。。。

友人俾左個總結我應該要點改善，實際點改就唔係度講，你睇下我有無改變咪知。不過我整左個幾爆既總結過「至衰你同另一半感情咁鬼穩定，真係撬都拆唔散你兩個。唔係我個老人屋聯盟又多一員。嘰嘰！」
---
家陣心情都 OK 靚，暫時都未受問題影響到 (時間還早，到夜晚就唔知。呵) 可能尋晚睏得比較好，精神都還算幾好，襯有多少衝勁就真係要衝一輪先！友人個「睏覺方法」雖則有點不可思議，但都好似有多少用。個方法其實好簡單，個腦乜都唔好諗，剩係諗住「吸氣」、「呼氣」，當然身體要配合，唔好話呼緊氣個陣諗吸氣。呢個方法有 D 似人地生仔咁，不過某程度上係唔會諗其他野既。咁尋晚十一點幾睏到五點幾起身飲杯水再睏到九點正，當然，尋日無睏晏覺都有 D 影響既。

諗住聽聽歌先，咁岩就 Random 到 SPeeD 既《Long Way Home》。噫，聽落又有翻以前追 SPeeD 既感覺，之後就聽埋《Carry On My Way》，歌既內容係唔記得左，之前就睇過。不過個歌名唔錯，我都要 Carry On My Way，都唔理咁多的說。今朝就貼佢地既圖出黎！如果佢地唔散隊既話可能家陣仲會紅紅地。