0537 @ Apr 06，二月尾到依家都有差唔多六個禮拜了 ...

1. 本身今日就係某份 Group Project 其中一個 Phase 既 Deadline。咁其實我都無乜野做既，只係不斷 Check D Documentation 有無漏，大部份工作都外判晒比其他組員。無他既，今個 Phase 我係 Project Manager。不過唔好意為好輕鬆 ... 好多時同學的確係做左野，不過好多時做既野又唔係做得咁準確，結果就要自己執返。

話說今晚買左電影節既戲票睇戲，都無時間比我再執了。幸好有另一位同學有能力又有魄力接棒，說實在，佢接手我非常放心。不出所料，睇完戲返黎 D Document 真係執得七七八八，非常好。



2. 睇戲之前又去左 Habour City 逛逛，都係個句，「好難買衫 ... 」。期間更出現了「粉紅色衫係 Sharp 醒之選」 ... 唔係話粉紅色唔好，不過我一定唔會著粉紅色，這個是不爭的事實。我鍾意簡單既設計，Detail 位有少少 Detail 就夠。我非常重視顏色，更甚於設計，唔岩 Feel 就係唔岩 Feel 吧 ...

R 爆頭都諗唔到夜晚個餐食乜，最後係 City Super 裡既 Food Court 叫左呢個炒牛肉烏冬兩個人 Share ↓



D 章魚燒的確無《銀たこ》咁好食。食完之後都八點幾，咁就行去文化中心睇戲了！



3. 今晚就係睇呢套了 ↓



開頭同行的伴說「無乜人睇呢套戲，唔會滿座」。由於係 Free Seating，已經早 30 mins 去到，但係都要坐高座。坐低無幾耐，職員就同觀眾說「呢場比較爆，麻煩大家坐入少少」，同行的伴都無說話可以講了。涼子既吸引力還好大的！

劇情雖然 Impossible，但係實在太好笑了。涼子也實在太可愛！阿部寬都好型！少有地有人認同！成套戲就係睇佢兩個既對手戲，而 90 年代初既日本是這樣的 (儘管套戲誇張左好多)。話分兩頭，套戲既英文字幕唔係譯得咁準，反而中文準好多呢！

首映禮個日涼子同阿部寬都有出席，涼子就講左以下的一番話 ↓



英文我聽到既係「Questions for any body」。廣東話就係「好唔好睇呀？」。好可愛唷！

呢套戲睇得好開心！絕對值得入場睇！



0633 @ Apr 06，快 D 黎就好了 ... 難得一見吧。That’s All.