1426 @ Apr 07，要來的始終要來。

今日 ... 又去左踩單車 ... 又係同依家既同學，不過今人數就比上次多少少。今日天氣都還可以，陰陰天又有多少風。不過呢 ... 今日又有炒車，我知既就有兩單。首單就有三車連環相撞，同學 A 撞埋同學 B 架車，我煞唔切車撞埋同學 A 架車個尾轆。原來撞車真係會令到成個人拋起的！我 + 車尾拋起左，然後又若無其事咁「等」返落地，這就是「安全駕駛」嗎？

正當大家諗住零損傷，但係之後發覺同學 A 架單車既尾轆比我撞到淆左，啜實左個煞車。最後 ... 拆左個煞車，再由同學中單車技術最高既高手騎上，以下就係拆煞車既過程 ↓



笑到牙骹都軟埋，最後高手返去單車店換車既。踩呀踩，踩到去烏溪沙，然後就食 Lunch + Tea，十一架單車並排就係咁樣啦，最左面個架車個 Pad 住 Set 到好高的就係高手坐開個架了。 ↓



食完回程就睇下附近個 D 樓，係幾靚，而且比港島相同級數既樓平少少，都幾 OK 架。返去交車之後就一大伙人落左沙田食晚飯，去了沙田中央廣場既《豔 __ 樓》打邊爐。八點鐘多少少去到，執枱執左 10 分鐘，八點四先入得席，搞乜搞物都差唔多九點先有得食。彷彿比人呃左 $10，九點後入席平 $10 呢。

開頭都 OK 既，呢幾位同學玩得幾開心，男個位可是身處桃花源中呢，哈哈 ↓



入到去發覺打邊爐個邊好迫，迫唔緊要既，間間都係咁架喇，但係問題係迫到行唔到囉。之後 Order 既野無黎都算，都唔好係咁黎 D 下欄野吧，幾碟又幾碟既蟹柳，肥牛就得幾塊，唔洗咁嘛。D 食物顏色又怪怪地咁，例如灰色既炸魚片，總之令人唔想食。呢 D 都事少，至慘來了個塑膠味羊肉 ... 沾污了湯底，搞到大家每食一碟食物之前都要淥一舊試試。

呢個 Pose 我都唔知點形容，感覺好似好安詳，但唔應該係咁喎，似唔想食多 ↓



咁比左 $84，食就實食唔到，唯有狂飲支裝汽水。當佢 $2 支，我都飲左五、六支，都十幾廿蚊啦 ↓



呢間食肆，除左用「差」黎形容之外，還有「Bad」，真係「Bad Bad Bad」。原來《嘉豪》真係「平得有水準」！



1538 @ Apr 07，鬆一口氣。That’s All.