2159，明明綠燈 ... 轉眼變成紅燈。

今日深深明白「人心難測」呢個道理，點解咁講？睇落去就知。

晏晝出香港仔與 Co 爺相聚片刻就火速離開，個陣係晏晝差唔多一點。逢禮拜六晏晝香港仔隧道例塞，見勢色唔對，經香港仔隧道既車都即刻上，務求避開塞車時間。送 107 車尾，咁就上左 37A，可惜都係塞車既。不幸中既大幸就係塞左一陣間就出左去。

不過呢科 Database Systems 遲去考都無所謂既，因為時間非常充裕。總共有 4 題，做第 1 題個陣都重似樣既，不過 5 條 T/F + 10 條 Matching 就 30 分，好 Odd。之後個 3 題，溫書同唔溫書都係一樣，不禁懷疑係咪做錯人地其他 Course 既卷。Lecture Notes 唔係無講過既，有 2 張 Slides 去講，咁就出左一題廿幾分。有一題重過份，半張 Slide 就出左 26 分既題目。O 爆咀角！完全估佢唔到囉。

停筆收卷既時候，大家已經急不及待同附近既同學討論份卷。不約而同，大家都話「呢科要 Retake 了」！怨聲此起彼落，如果因為係唔溫書而唔識既，咁就抵死。但係出埋 D Minor 中既極品，咁就唔合常理了，一條大 Topic 既題目都唔問，真係估佢唔到。出卷個位想法好易諗，就係 Tutorial / Assignment 都講過既野無必要係 Exam 再問多次，問就問新野。呢個 Motive 其實錯唔晒，如果 Exam 唔計分的話，純以學習既角度來看其實係 OK 的。錯就錯在係 Exam-Oriented！出 D 新奇無趣既野只會令人感到無奈。究竟大學學習應該是以學習還是考試為最終目標呢？

話唔定今個 Sem 3 科 CS 科都要 Retake，咁就唔洗諗 Year 3 讀乜了 ... 3 科總會有機會中一兩科吧。AGPA 點止插水，直入地底添。唔係講笑，年年 Sem B GPA 都差過 Sem A 喎，又中魔咒！考完試之後大家就去吃 Tea，吹下水咁就散水，再逛了陣旺角就回家了。話分兩頭，晚上既《Teresa x Lam 2007》的確唔錯！



2315，士氣唔低落都難啦。That’s All.