2309，鍾嘉欣真係幾靚！

1. 除左之前既《Donkey Kong Taru Jet Race》之外，呢隻 Wii 既 Gundam 都好似唔錯 ↓



呢隻 Game 係七月尾出。話分兩頭，呢期玩緊 NDS 既《應援團 2》。玩左幾日，高高地手啦，不過重有好大既進步空間既。



2. 今朝晨咁早就起左身，為的是 Register Summer Term Courses。我算係最早個批 Reg. 科既 Yr2，如我所料，Reg. 到想讀既科同時段。不過呢，有 D 同學就無咁好彩啦，佢地 Reg. 科既時間晏幾粒鐘，咁就 Reg. 唔到原先大家話想讀個時段了。

本來都唔係一件甚麼事，不過係呢件事又反映出個位同學好似「唔嗲唔屌」咁。開頭又話一齊報乜乜個時段，但佢本身係遲 Reg. 科個批，Suppose 想讀既話都會搵 D 第一批 Reg. 科既同學幫手 Hold 位。但係佢又好似無，愛理不理咁。咁都無乜野既，個人喜好黎既 ... 不過有 Plan B 會好 D 吧。



3. 晏晝同 +hung 出左去尖沙咀影相，約左係中環碼頭等。其實舊天星碼頭搬去依家九號碼頭其實都唔係差，話晒個個位全部都係碼頭，會「歸一」D。以下就係期間影左既相既精選 ↓









第一張就普通 D；第二張我覺得 OK 過第一張，不過有少少 Distortion；第三同四張就有少少試機性質既。在海旁、九龍公園影完相之後就落返銅鑼灣飲 $5 既芒果西米露，Very Nice。期間見到 Jerome，傾左幾句之後就差不多回家了。



4. 回到家換過裝備就出去香港仔打羽球，有人話我打球打得密，說實在，我都覺得好似密密地，打完無幾耐吧。今日 Co 爺再一次失去「G 點」，接一板球時竟然腳軟，成個人跌左落地下。我都嚇左個凸！除左恥笑，都係恥笑！

今日見到有外國人係市政局場打羽毛球，咁耐以來既第一次！同場又見到好球少女 + 好球幼童！真係幾好技術，那位幼童我諗大約六七歲，不過打得有板有眼，話唔定係明日既港隊。



2350，明天游水 ... 後天又打球，真係好健康。That’s All.