2052 @ Jun 16，今日係「遲到」日。

1. 一起身就幫人打左篇講稿，由於我低估左個篇講稿既長度，結果係遲左出門口，落到巴士站又眼白白睇住架巴士離開。咁都算了，但係香港仔隧道間封囉 ... 真係 O 爆咀。原本約九點十，結果十點二先去到銅鑼灣地鐵站。再一次「咁都算了」，撘扶手電梯時，有四個大陸人拎住佢地既行李塞晒係電梯既左邊，咁好似重有右邊可以行，點知右邊竟然有個香港男仔企到正一正。點解 D 人可以咁無公德心既！？拎大件行李就撘 Lift 啦，阻到人時自己又危險。個男仔一係就行多兩步唔係塞住條路，一係就咪行去個樽頸。講到一舊舊舊，不過重點就係塞死晒囉。當然錯過那班地鐵，再再「咁都算了」，一問之下原來篇講稿係下晝先要用，早知就唔心急拎俾人啦！

結果上堂當然係遲到啦，遲左 20 分鐘。之前已經諗定晒點用日文講遲到既原因，呢個係上一堂日文堂學過既野。咁係無問到既，不過就問左另一條上堂交帶落要答既問題，有準備當然無問題啦。落堂之後繼續留係 City 準備搶 CCIV 講座既位，真係好刺激唷。如果返到屋企先留位既話就太遲了，依家成功搶到鎖定既目標，Very Nice。



2. 食完 Lunch 就火速回家拎裝備去打羽球，本來無諗住打既，不過 Co 爺話想打平波，所以就 Book 左 4-5。不過由於銅鑼灣塞車，我同 Co 爺都分別遲左好多先返到屋企。最後係我打的再兜埋佢再去大街個場，計埋的士錢，比平時打貴波連車費平左幾蚊。雖然平左幾蚊，但係打少左 15 分鐘。唉，真係估唔到塞車囉。

補返先，話說幾個禮拜前 Co 爺打班際，結果佢個班係贏左高級組亞軍，係佢個班，而唔係佢一個人。不過咁就賺左個獎牌，以前才記個陣開學要每人比十蚊定廿蚊學校買獎牌，起碼拎兩三個牌先打個和，超乞丐。依家佢間學校唔洗學生交一蚊都有牌，算係咁啦。

個場冷氣 / 通風唔夠，真係侷到呢。打波個咁講「廢柴」，都唔記得點解，我諗係因為 Co 爺係 Kai 既關係吧。最 Kai 就係佢用把縮骨遮扮警棍，扣左係褲頭。呢個都未算，佢把縮骨遮有條手繩既野，佢就拎住個手繩係咁 Fing 把縮骨遮，之後「劈拍」一聲，把縮骨遮飛左落地下。一望之下，原來佢條手繩 Fing 斷左。依家諗返都笑到停唔到口！呢個人真係 Kai 架！！

以下轉載自 Wikipedia，Co 爺請睇清楚 ↓

冬瓜是一種蔓生草本植物。它的果實作蔬菜食用。未成熟的冬瓜果實表面有毛，因而稱爲毛瓜，也叫節瓜。果實成熟時表皮變得具有蠟質，因而利于久存。

冬瓜原産東南亞，現在東亞和南亞廣泛有栽培。

冬瓜雖然性喜温暖和濕潤的氣候，但亦可像笋瓜（winter squash）一樣過冬。冬瓜一般可以貯存十二個月之久。果實可炒吃或做湯。廣東名菜“冬瓜盅”，是把冬瓜掏空後，放入配料燉熬而成的菜。

除果實外，冬瓜的嫰芽、捲鬚和葉皆可作爲葉菜食用。

真係唔講唔得，粗鄙都要講。「收皮啦，節瓜！」



2129 @ Jun 16，下一節有簡短十年回顧。That’s All.