2135，估唔到既「十年回顧」！

今日睇左 Kinki Kids 主持既電視節目「Love Love あいしてる」+「堂本兄弟」既《十週年 Special Live》↓



其實呢個節目係 2006 年 9 月係日本播既，咁岩呢期先搵到，如果唔係就睇唔到啦。咁就 10 年，原來我係 98 年已經接觸個節目，當然係當時最流行既信和 VCD 啦，不過就唔係成日睇既，我重 Keep 起 99 年定唔知邊年既新春 Special。過多幾年好似 TVB 播過字幕版「Love Love あいしてる」，個陣禮拜日朝早日語時段做，個個禮拜都追黎睇。其後有禮拜六晏晝都播過配音版，最後係禮拜六係 Pearl 播字幕版。

呢個節目係清談 + 音樂節目，Kinki Kids 非常識搞笑，集集同嘉賓都好多笑料，而音樂班子方面都好強勁，至記得有吉田拓郎同 Tom3。有一集嘉賓係 MAX，個集就一連兩集定三集係遊沖繩，Tom3 盡顯佢搞笑既本色！不過後期好似因為高層壓力定政治壓力 (我諗係電視台之間) 所以呢個節目就係 2001 年 3 月完結，之後就變左「堂本兄弟」了。

其實節目性質都差唔多，最大分別就係換走左節目中原有既「Love Love All Stars」呢隊 Band，換左「堂本ブラザーズバンド」。後者大多數是資歷較淺同無乜名氣既音樂人，不過其實都 OK 既。節目到依家已經做左大約四百五十幾集了。雖然依家互聯網咁發達，不過想睇到有字幕版都唔係易，無字幕版就易少少，不過都係難！YouTube 既出現就方便左多少既。



2226，好。That’s All.