1010 @ Jul 12，本來一件香噴噴既事最後落得爛臭收場。

日文 Test 派左卷，扣下一分扣下一分，咁就扣左 30 分，都咪話唔誇。B+ 無望，如無意外都係同以往一樣奪 B。眼看最高係 86，最低 63 分，平均就 77 分。錯得最多既係助詞，15 題錯 7 題，要惡補下先得，錯少幾題都 Mean 左。同當年學英文一樣，Preposition 同 Tense 都要操一大輪先有多少進步。遲下問下個老師有無呢類輔學教材推介先。

落堂之後到學生資助處交 Form，真係多人到呢 ... 已經係下晝未開門就排定隊，諗住好快搞掂啦，點知朝早還有一大堆籌未處理囉。個派籌系統又 Down 埋，D 人做野慢，真係好慢。慢同吞 Pop 唔緊要，千期唔好比 D 等到唔耐煩既人見到，真係火上加油，開粒新擦膠都開幾分鐘。大約等左 60 分鐘都未見有任何下晝交 Form 既人埋到櫃台，開始有人嘈，最後應該有個高級 D 既職員出黎解話，話去西九龍行陣，之後拎返將籌過黎都得，又話今日之內一定做晒派左籌既 Form，再話 90% 話交齊野填好 Form 既學生其實都係交漏野填漏野。不過講咁多野都係於是無補既，有人拎返份 Form 走、有人唔拎將 Form 都走。我就等左 90 分鐘先埋到櫃台，櫃台姐姐一句「你份 Form 無問題。」，我等 90 分鐘就係得呢句咋？填漏野都話抵 D，LOL。

由於白白等了 90 分鐘，本來一件香噴噴既事最後落得爛臭收場。唉 ... 我都唔想，可惜 ... 唉 ... 早知 Cancel 佢先啦，依家搞成咁 ...



1033 @ Jul 12，完。That’s All.