其實都唔太想打字，不過今日真係幾。。。開始↓
Um...今日年初三，赤口。到晚上七點零呢個時間仲未同人開片，好似唔太應節 A_A” 上年好似年初一就同屋企人開片，前年就應節咁初三開片。講完閒話，今日終於出左街，去左大嶼山睇大佛。由年三十晚開始到年初二都無出過街，咁有人會問唔洗去拜年嗎？對，偶係無拜年既習慣的，亦都唔會太著重「利是」 (講衰 D 係唔稀罕)，偶深信 D 人要俾利是你的話就算見唔到你都會俾你，要唔俾既話去到都可以唔俾你 [廢話！] 話係逗人利是，咪即係阿媽阿爸既利是換人地既利是翻黎，對不對？呵呵呵。
可能呢幾日自娛得太厲害 (亦都係自愚) ，開始有多少疲態，咁就睏晏左 D 咁，咁屋企人老早就叫我起身，個陣去既意慾係零，最好既就係起到身就去，起唔到就算數。係被窩度諗左陣最後都係去。其實已經係年年去，個目的係要坐船過大海，點解要過大海就唔好問，已經係每年既習慣。
咁一切都好順利，咁帶左 D 麵包同水，本來唔想食架喇，之不過更唔想拎住四圍走，所以食 + 飲晒佢！行左條長命斜樓梯，又無話好索氣既，平時都行好多路 (哈！雖則我成日話行到好攰。) 咁搞一大輪之後本來話去吃齋既 (自己都幾想食下)，不過同另一班人合流之後變得好大班人 (本來係 6 個人，係 Optimum Size 黎。) ，起碼一圍大枱。自己最怕呢種「真情式」既飯局，硬係唔太自在咁。咁所以唯有放棄吃齋呢個念頭，愔然咁離開大隊。本來諗住想一個人走再係銅鑼灣買 D 野咁，唔知點解屋企人話搵埋細佬陪我一齊翻屋企！？其實佢話想同佢地吃齋，因為佢話無錢唔想係街買。哈，真係不爽！
係寶蓮寺撘車去東涌，真係唔係親眼見都唔信，個陣三點鬆 D，個度排隊撘車去寶蓮寺既人係多過 D 人排隊換水晶麻雀！ (誇左多少，我都唔知換水晶麻雀個度有幾多人。) 一個成人 $25 一程，小童半價，間巴士公司今日發達啦，真係多人到呢。。。
震憾完之後撘東涌線翻港島。 Um...偶已經練成企係度都可以睏得著，都咪話唔厲害，仲要唔跌先驚，哈！噫，係車度睏夠 (之前撘巴士都睏左差唔多成粒鐘。。) 又無乜野做就四圍望下咁，哈，見到個都 OK 既靚姐姐 (不過點都似妹妹多) 。咁係餘下既車程就偷望下人，巧似俾佢發現左，佢又望翻我，咁我就唔望住，佢唔望之後又到我偷望，如此落去到落車。係咪好無聊？說實在都係架，玩下姐，唔洗咁認真。其實我剩係想望下個陣係邊度黎姐。。。另外由香港站行去中環站真係遠到笑哈哈。
落到銅鑼灣係 TimeSquare 對面既 Kentucky 買外賣，又係好多人。咁搵個人少 D 既 Counter 買，點知有 D 上錯賊船 Feel，雖然係少人排隊，但係仲慢過隔離人多個 D Counter。慢都算，個位 Staff 接客真係麻麻地，有個客係堂食，拎左個牌等食物，咁其他人俾錯左另一款食物佢但係收左佢個牌，個客就拎翻個件食物去 Counter 換翻。個位 Staff 收翻個件食物但係唔俾翻個牌個客，咁個客當然問翻佢拎翻個牌，個位 Staff 唔知轉數慢等係乜野，等左陣都唔俾個牌佢，要個客講左幾次先俾。真係 Oh My God. 咁其實都唔太關我事既，之不個個位 Staff 呃左我個薯格！買個兩個餐都有薯格跟的，翻到屋企先發現，無仇報，激死我！買完又唔講「多謝」，哼！個位 Staff 係後生女黎，早知排另一面年紀大少少既女人個行！又俾女人呃！可怒伊！
咁得一個薯格，兩個人就梗係有個人無得食。唔知點解細佬已經佢拎左佢個份薯格仲食埋，到我食個陣先發現俾人呃左。。。咁都無計，無理由撘車出翻去拎翻架。咁見大好機會就叫細佬陪我打 Winning Eleven，好耐未試過同佢打。我都無打好耐，第一場我多蒙特小勝里卬一球，第二場我輸十二碼，第三場我用中國對 Benfica 輸兩粒，第三場利物浦再輸四蛋俾曼聯，最後一場用翻我最愛既祖記贏阿仙奴七球！中國個場真係無言，利記輸四粒都係輸 Dudek，換另一個龍上黎即刻止蝕。祖記無敵！YeaH！
打左我成 50mins，睇多幾集 GetBackers 就開戲睇！That’s All.
Um...今日年初三，赤口。到晚上七點零呢個時間仲未同人開片，好似唔太應節 A_A” 上年好似年初一就同屋企人開片，前年就應節咁初三開片。講完閒話，今日終於出左街，去左大嶼山睇大佛。由年三十晚開始到年初二都無出過街，咁有人會問唔洗去拜年嗎？對，偶係無拜年既習慣的，亦都唔會太著重「利是」 (講衰 D 係唔稀罕)，偶深信 D 人要俾利是你的話就算見唔到你都會俾你，要唔俾既話去到都可以唔俾你 [廢話！] 話係逗人利是，咪即係阿媽阿爸既利是換人地既利是翻黎，對不對？呵呵呵。
可能呢幾日自娛得太厲害 (亦都係自愚) ，開始有多少疲態，咁就睏晏左 D 咁，咁屋企人老早就叫我起身，個陣去既意慾係零，最好既就係起到身就去，起唔到就算數。係被窩度諗左陣最後都係去。其實已經係年年去，個目的係要坐船過大海，點解要過大海就唔好問，已經係每年既習慣。
咁一切都好順利，咁帶左 D 麵包同水，本來唔想食架喇，之不過更唔想拎住四圍走，所以食 + 飲晒佢！行左條長命斜樓梯，又無話好索氣既，平時都行好多路 (哈！雖則我成日話行到好攰。) 咁搞一大輪之後本來話去吃齋既 (自己都幾想食下)，不過同另一班人合流之後變得好大班人 (本來係 6 個人，係 Optimum Size 黎。) ，起碼一圍大枱。自己最怕呢種「真情式」既飯局，硬係唔太自在咁。咁所以唯有放棄吃齋呢個念頭，愔然咁離開大隊。本來諗住想一個人走再係銅鑼灣買 D 野咁，唔知點解屋企人話搵埋細佬陪我一齊翻屋企！？其實佢話想同佢地吃齋，因為佢話無錢唔想係街買。哈，真係不爽！
係寶蓮寺撘車去東涌，真係唔係親眼見都唔信，個陣三點鬆 D，個度排隊撘車去寶蓮寺既人係多過 D 人排隊換水晶麻雀！ (誇左多少，我都唔知換水晶麻雀個度有幾多人。) 一個成人 $25 一程，小童半價，間巴士公司今日發達啦，真係多人到呢。。。
震憾完之後撘東涌線翻港島。 Um...偶已經練成企係度都可以睏得著，都咪話唔厲害，仲要唔跌先驚，哈！噫，係車度睏夠 (之前撘巴士都睏左差唔多成粒鐘。。) 又無乜野做就四圍望下咁，哈，見到個都 OK 既靚姐姐 (不過點都似妹妹多) 。咁係餘下既車程就偷望下人，巧似俾佢發現左，佢又望翻我，咁我就唔望住，佢唔望之後又到我偷望，如此落去到落車。係咪好無聊？說實在都係架，玩下姐，唔洗咁認真。其實我剩係想望下個陣係邊度黎姐。。。另外由香港站行去中環站真係遠到笑哈哈。
落到銅鑼灣係 TimeSquare 對面既 Kentucky 買外賣，又係好多人。咁搵個人少 D 既 Counter 買，點知有 D 上錯賊船 Feel，雖然係少人排隊，但係仲慢過隔離人多個 D Counter。慢都算，個位 Staff 接客真係麻麻地，有個客係堂食，拎左個牌等食物，咁其他人俾錯左另一款食物佢但係收左佢個牌，個客就拎翻個件食物去 Counter 換翻。個位 Staff 收翻個件食物但係唔俾翻個牌個客，咁個客當然問翻佢拎翻個牌，個位 Staff 唔知轉數慢等係乜野，等左陣都唔俾個牌佢，要個客講左幾次先俾。真係 Oh My God. 咁其實都唔太關我事既，之不個個位 Staff 呃左我個薯格！買個兩個餐都有薯格跟的，翻到屋企先發現，無仇報，激死我！買完又唔講「多謝」，哼！個位 Staff 係後生女黎，早知排另一面年紀大少少既女人個行！又俾女人呃！可怒伊！
咁得一個薯格，兩個人就梗係有個人無得食。唔知點解細佬已經佢拎左佢個份薯格仲食埋，到我食個陣先發現俾人呃左。。。咁都無計，無理由撘車出翻去拎翻架。咁見大好機會就叫細佬陪我打 Winning Eleven，好耐未試過同佢打。我都無打好耐，第一場我多蒙特小勝里卬一球，第二場我輸十二碼，第三場我用中國對 Benfica 輸兩粒，第三場利物浦再輸四蛋俾曼聯，最後一場用翻我最愛既祖記贏阿仙奴七球！中國個場真係無言，利記輸四粒都係輸 Dudek，換另一個龍上黎即刻止蝕。祖記無敵！YeaH！
打左我成 50mins，睇多幾集 GetBackers 就開戲睇！That’s All.
Created On 11/02/2005 10:54:32
Your Comment
Name :
Authentication Code : 