2430，極限．一日睇廿六集。咁樣睇法真係好唔健康，為乜呢？為唔想悶。

對眼對焦不能！要抖一抖。

---
2248，再一次無乜特別，再一次無乜好記。

今朝都 OK 早起身既，十點左右，之後就睇《Gun x Sword》直到睇完為止。期間睇左衛斯理、買 Lunch。買左兩個板燒雞腿飽餐，一杯汽水俾細佬飲，食晒兩個飽，D 扭扭薯條留翻下晝做 Snacks。邊睇動畫邊係 Forum 追有關既 Post，如是者就睇晒。

打左陣 CS:S，香港 Server 真係唔好打，強弱懸殊，D 人又係咁開咪講廢話！之後轉左 Server 靜好多。。。打到食飯前覺得有 D 暈，咁就抖下，睇翻 D 野，覺得有 D 感觸。。。食飯時睇《Keroro》，之後開左兩套動畫，《攻殼 SAC GIG》、《廢棄公主》。前者 D 對白好長又難明，暈了！！

2249，Hea 完，繼續睇。That’s All.

PS. 估唔到《Gun x Sword》是這麼熱血的一套動畫。哈哈。

---
1019， ↓



如果 M 到解釋到整件事的話，我諗 ...

真係 M 到了。

遺憾既係無得 M 呢，有都唔怕吧。可以名正言順。。。

1319，想話買個老麥餐食唧，都等勁耐。乜依家 LMC 既學生鍾意 Lunch 食老麥咩，有成廿幾三十人囉。。。另外有個不良少女仲未俾人踢出學校咩。

1744，《Gun x Sword》Clear。三日睇晒。都係廿六集既動畫長度最為適中，十幾集個 D 岩岩 Warm-Up 就睇完，五十幾集或以上好難提起勁去追。。。《Gun x Sword》是一套痛快娛樂復仇劇呢！

最愛腳色 :: Priscilla↓

2312，無乜特別，無乜好記。

．天氣凍既日子真係討厭，沒精打彩。今朝都睏到十二點幾，睏到唔願起身。之後盡睇《Gun x Sword》，全日夾埋睇左十集，仲有十三集就睇晒。之後都係打下《CS:S》咁。咁就一天。

．補習，沒有心機再為那兩位妹妹補習吧，咁樣甩底真的頗無癮，無癮自然補得差。還是不明白為甚麼會無野補，以前自己俾人補個陣實有野補喎，差在想唔想補既唧。世上最麻煩的倒是那些年紀唔大唔細的人吧，包括自己。

．為甚麼善良的人總是被人利用 / 欺騙呢？難道在這個世界生存必需做個壞人？這個世界是甚麼的一個世界？！要做個兇巴巴的人？s

．晚上一心開開心心咁食 Pizza，點知結局搞到好疆，Pizza 叫左翻黎無心機食囉。食應該係人生其中一樣開心既事，食都食得唔開心，不如不食吧。食不只是滿足生理上的需要，還有精神上的需要。

．唔知係咪之前個排 High 得滯，我剩係想講 ↓

我真係好唔開心囉。

2347，That’s All.

2222，今天真的很凍，平平淡淡咁就過一日。

1. 呢隻 7-Eleven 送既狗仔好得意，叫 Beagle (比高犬) ↓



2. 朝早都睏到唔願起身，睇唔到《忍風戰隊》。《Animal Crossing》無同山豬婆婆買蘿蔔，少左個賺大錢既機會。。。都好耐無玩佢了，唔知 D 動物搬走晒未呢。

講道講舊約正典，學會「3-9 - 27」，共 66 卷。新個 27 卷曾幾何時都背過記得，依家唔記得晒了。講了次經既一 D 資料，之後上堂再補充多少少次經既資料。咁之後探討了一些婚姻既問題，離婚之後再婚？乃是犯姦淫罪呢！咁係教堂行婚禮，夫妻二人乃是接受了牧師、神的祝福，如果要離婚的話，豈不是背棄神！？

3. 回家前買左個老麥板燒雞腿飽餐回家吃，頗辣。之後 Hea 陣就睇《Fantastic 4》，好唔好睇？其實好一般，不過唔算悶啦。之後 CS:S，又係日本 Server，認得晒 D 勁人，哈哈。入夜就燒下碟，睇下《ANTM》，開左《Gun x Sword》黎睇，共 26 集，好快睇晒呢！

4. 無乜特別事了。夜晚細佬部 NDS 終於開光了，跌左落地下。。。叉電途中阿娘 Kik 左部機落地下。咁就話跌爛部機都係千幾銀，跌親整親隻腳就麻煩，都一把年紀一跌就真係斷。老頭子又要插口話佢 (阿娘) 跌跛左你養佢呀。我就話佢 (阿娘) 跌唔跌跛都預左養架喇，老頭子即刻無話可說。。。

2304，講完，再見 ~ That’s All.

2233，哈，十度都唔夠食雪糕。

1. 真係唔講得笑！寒冬裡暖暖的在被窩睏覺真是一件美好的事！睏左十幾個鐘，睏到頭暈。起身就一路 CS 到夜晚。。。又暈多次。。。食完飯唔 CS 了，睇一月新番 :: Fate / StayNight，第一集悶少少，但應該都會追落去。

有新番即係有幾套播完啦，Gun x Sword、Paniponi Dash、To Heart 2、Shuffle、Aria 都完，幾套都有撈但係無睇。。。之後都花左多少時間執執 HardDisk 裡面既野，HardDisk 都無乜位，Delete 左隻 AOE3，呵，多翻 1.x GB。咁又燒緊幾套片啦，無位放碟了，又係時候執執 D 野，留翻年廿八先做！

2. 尋日撘車個陣見到個阿媽鬧緊個仔，有個問題想問下大家。就係如果個你既子女係街扭計 / 做錯事既話，你會唔會當街鬧佢地呢？如果鬧又點鬧、唔鬧又用乜野方法呢？

養細路仔唔難，難在點教好佢地唧。隔幾年都一個代溝啦，何況差廿幾三十年呢！所以早 D 生 BB 好，咁捽個眼仔個仔又生仔，到時爺孫樂、嫲孫樂，弄孫為樂幾過癮下！話晒有精神寄詫嘛！如果個仔個仔又早生 BB，到時四代同堂仲樂！

2302，呵，撈緊 Fantastic 4，聽日應該會睇下佢！That’s All.

---
1310，老任因 NDS 無貨賣而發出的道歉 ↓



PSP 週銷量可望超過 NDS 了。唔知下週 NDS 週銷量係幾多呢？呢期 NDS Game SM 遊戲週銷量榜，十隻有八定九隻都係 NDS Game。。。

1909，BB 真好玩！

2306，咪講笑，無我你地會咁快活！？

Well，CM 個 D 科要填 Paper Form 申請 Add / Drop，即係無得調。係可以調既得 CS Tutorial。同 Wilson 傾左好多句問佢意見，同 D 同學又傾下，搞到兩點都仲未搞掂。但係都要趕住先出門往肥仔家玩仔。Lunch 剩係食左個蒸蛋糕飲啖水就走人。

街真係好凍囉，但係件褸劃花左，無著到，天氣至凍既一日先黎做大隻仔，該煨。。。咁途中同佢傾左輪電話，佢話「你都傻既，件褸花左都著啦。」。好的，我黎記住，咁落車行幾步再等 Lift 就到步。第一時間搞埋個 Add / Drop。Finally，個 Table 變成咁 ↓



禮拜一好激，0930 - 1730 直踩！禮拜二、三都 Hea Hea 地，可以將禮拜三個堂調去禮拜二四點幾既，不過又天地囉。依家咁既話可以接下補習，禮拜三都走堂多架啦。係 Thu 比較煩唧，Fri 兩個鐘都好快過。

搞完之後玩 BB 一輪，BB 想打機架！好不爽，打 Winning 俾 +hung 贏 2:1。之後再玩下 BB，阿 BB 成日發呆，又 kekeke 咁笑，真係好得意！不過至爆笑係呢個 BB 唔鍾意抱，鍾意企。。。唔好講粗口，BB 第一句講既說話係粗口就大穫，+hung 就唔岩了。之但係 BB 見我地打牌都好似唔係咁好。話時話 D 玩具幾得喎，9999 in 1。係咪唔係 BB 玩？

打牌，都算激了。真係輸到開巷，都估到邊 D 牌出沖，就想個局玩 D 完唧。有人投訴摸唔夠 2 行牌就完，係我錯，我唔應該送死。不過今日無我你地點會爆咁多次番，我係咁餵牌。。。頭個五鋪都係輸，打左起碼兩圈都未有糊食過，就算食雀個次都俾人截糊，都心知不妙。後期順應大家要求摸耐 D 牌，咁就唔洗輸尾幾鋪。總共輸 47 番，$0.1 番都覺得肉痛。。。$1 番既話實唔俾錢走！

回到家無飯食，兩老去工展會買野。自己煮自己食，食完 Hea 陣打 CS:S。睇 CSI，打 Diary，一天。今晚都係要早 D 睏！

2348，得 11’C，開翻張羽絨被先！That’s All.

---
1133，尋晚飲左奶茶，搞到睏唔著囉，一點左右去睏，輾轉到四點先睏得著。。。到十點幾就起身 Add / Drop，同預料一樣，競爭都唔激烈既。懶懶閒咁調下科，不過豈盡人意呢？仲係唔知 OOD 報乜好，又唔知會唔會指定 EN 某 D 科一定要讀。。。

今朝諗落有 D 野怪怪地 ↓



點解係「again」！？近期都無發生過呢類事件架喎。

呢張就係 UA 戲院 @ 太古城中心影太古城中心 ↓



唔係講笑，第一次去。