0805，流鼻血。又唔算係既，無流出黎，要用紙巾撩先有。

2206，打完一面又打另一面。。。

今日真係繼續累爆，回唔切氣。。。成日孭住重野，散了。。。咁今日都早左少少出門口，但係遇上列車信號故障，翻到 City 時間剛剛遲少少。。。見到 David，佢行得超快，感受到腳短既人既壞處，完全追唔到上去。。。今日上堂播戲睇，黑白片黎，叫《Citizen Kang》。係咁上下啦，由於 Miss 左個頭，有多少唔明，但係其實唔係想像中咁悶。由於係睇片既關係，Instructor Send 左 E-mail 叫大家「pleasepleaseplease」上堂，真搞笑。

上完堂就打電話過 Wilson，佢唔聽電話。咁就去左 Library 整下野，都無打過 NDS，忙忙地咁。之後隔左好耐 Wilson 就覆我，他大義凜然咁過來陪我 Hea 下，真係夠朋友！咁呢，我坐左係 D Hea 位，佢都花左好耐時間先搵到我。。。哈哈。咁一黎就 Check E-Mail 再入大家既 E-Portal 逛下，見到自己兩個 A- 但係 GPA 都唔高個心情好繃緊。。。

之後陪佢去 CSC 印 Notes，原來係咁用既。。。好多人爭 Printer 呢。。。由於佢已經食左 Lunch 但係我又未食，所以係吉野家同 Pacific Coffee 之間揀左吉野家。佢就試玩左陣《Lost Magic》，佢都話過癮，真係好。不過個汽水杯蓋有 D 怪 ↓



咁到上下就行翻去上 Network 既 Tutorial，真係好掂。值得翻！比上年 Roland 葉既 Tutorial 有用得多，真係學到野！咪睇小今次 Network Tut. 佢只係 Tutor，佢都係 Dr. 來的。。。成日搞 Gag，當然爛既多，但係氣紛都算唔幾好。現在剩係唔知 Moving Image 既 Tutorial 係點唧，如果唔 Harsh 既話今個 Sem 就真係 100% Attandance 有望了！

之後又約左人交收，不過又要 Hea 一個鐘先得。咁就係 FoodFest 坐底打 Animal Crossing，推下雪人，淋下花咁。話咁快就夠鐘了！今次 NDS 都借埋出去，我都唔知點解我會咁做。不過再問多次都係會話「借」。睇下邊個問啦，你估個個都借既咩，哈哈。記住幫我淋花、淋蘿蔔啊！

2237，真開心。。。有人去得遠遊，記得買手信過我。唉。。。我都想去下旅行。。。+hung 不如你支助我去日本吧！That’s All.

前言：

父母對孩子既成長有一個絕對的影響！咁大家會唔會覺得自己係「父母性格混合體」呢？外貌呢 D 野係遺傳就無得講，性格呢樣野好明顯係受後天環境影響吧。識得我既人可能覺得我係一個「怪人」，也許是因為是「混合體」的原故吧。

首先呢，可能覺得我好 Cool，係街見到面唔會同人打招呼，但係老頭子是相類似。兩父子係街見到面都係點點頭就算，好少話停一停傾一兩句。但係如果唔趕時間又加上越到好熟既人就會走埋去傾幾句，重點係同好熟既人先會咁做。我是一個保護自我十分強的人，亦即係話我好怕醜！

老頭子對我還有甚麼影響？咪就係「食」個方面，佢對食物既要求十分之高。又話呢樣唔好食、又話呢樣唔夠衛生。亦因為咁，全家極少極少甚至係近年先有一次全家出去打邊爐既習慣。。。還有就係對「整潔」呢樣野好執著，但唔代表我呢個人乾淨喎。老頭子比較嚴重。

那麼老媽子引對我有甚麼影響呢？好明顯係談吐方面，說話既 Tone 似老頭子，但係健談程度和老媽子較似。咁同唔熟既人可能覺得我好靜，唔多出聲。但係事實上我係一個口水佬來，興趣太多，基本上乜野都傾得兩咀。所以我對同我無野講既人感到好驚訝，無理由無野講架喎！

經濟好景既時候老媽子都 OK 疏爽，也許因為咁我都有少少類似。不過分別既就係我仲未話識搵錢，洗既都係佢既錢。呢家經濟都唔係話十分好，都勒緊左褲頭。老媽子個陣話買就買好 D，唔好花錢買 D 唔耐用既野，所以好多時會見我好多衫褲鞋襪著幾年都係個堆野，亦都好少見我著街牌。唔係話街牌唔好，但係覺得有個牌子好似好 D 咁。

老媽子對朋友頗不錯，唔會斤斤計較，懂得人情世故。呢方面似似地佢啦。有趣的是我是死要面的性格絕對絕對來自兩老。「只許州官放火，百姓不准點燈」的確會在老頭子身上看得到，我好少少。我會做既野都會覺得人地可以做。打個比喻，老頭子唔記得關水喉就會自己話唔記左，輕輕帶過，但係其他人唔記得關水喉就會係十惡不赦。咁我對自己都會犯既錯就唔會太執著，下次記得避免咪得。

久而久之，老媽子既性格同老頭子既性格就顯在我身上。但諗深一層，兩種性格其實幾矛盾。。。搞到我都有 D 精神分裂，情緒變化大！其實都唔太關事既，少少咁啦。但係我都努力保持自己既性格，因為每個人都是獨特、唯一的！



內文：

咁呢，講完左個「前言」。咁其實由細到大都唔覺得識朋友係甚麼一回事，甚至話輕而易舉，VICTOR 點會識唔到朋友！。所謂既「朋友」唔係圍威喂個隻，係真係會互相幫助、體諒下對方個隻。咁小學大家年少無知，好多野都好難講，岩玩咪一齊玩，但係到中學之後已經少接觸。個陣好少話約埋一齊玩，係得閒打下超任、SS 咁。但係家中兩老唔習慣有「陌生人」係屋企。所以兩老是但一個在家都唔會叫朋友仔上來玩。

到中學 Form 1 個陣轉左新環境，熟既同學都唔係同一間中學讀，個個時候就要識過一堆新既朋友。咁都好順利無乜特別，都會約出黎踢波！？係咪唔講唔知呢，我曾經踢過波架。咁但係個陣禮拜六踢朝早六點幾七點，都幾乜野，之後都無踢波了。

由於懶惰，Form 2 被踢左去較為差既班，咁又要識過一堆新既朋友。都係無乜特別，順利不過。但係同 Form 1 既 Friend 都疏離左。個年最特別咪就係遇上我的初戀對象。因為佢既關係，都有一堆朋友仔。個陣就唔係踢波，係打籃球了！Form 3 都係同一班同學，所以就無識朋友既問題。

到 Form 4 又轉左去另一班，由於有幾位朋友同一班，都無乜識朋友既問題。但係唔同班既朋友就開始疏離了。。。開始無同佢地一齊 Lunch。之後到 Form 5 已經變左「肥仔黨」，同 K 班個十兄弟開始熟，就同左佢地一齊 Lunch。話雖如此，但係都無乜約出黎吃喝玩樂。個陣就大多都係同 Ex + Ex’s Friends 吃喝玩樂。

Form 6 都無識朋友既問題，來來去去咪又係肥仔、+hung。Ex 走左去 NewZealand，散埋。但都未算霉到谷底，個陣開始有約肥仔、+hung 佢地吃喝玩樂。那個 Moment 都有同 Ex’s Friends 偶爾吃下咁。到 Form 7 還是一樣類似吧。

但係一到 Poly HD 個年，開頭都唔覺得識朋友好難，係 Summer Course 已經識到多少朋友，當中既代表當然係 Wilson、阿海。托賴同 Form 7 既肥仔、+hung 仲可以保持聯絡，同時又有一堆新既朋友。但隨著 Wilson 逃學溫書，係 HD裡面彷彿無晒朋友，好寂寞。已經變到 Wilson 唔上堂我便唔上堂，出席率低得過份。。。意興難珊，個陣覺得非升到 Degree Course 不可，為既係想有個新環境識到新朋友。到 Sem 尾有個 IT Workshop 既 Group Project，個個 Project 就同那些 IVE 佬熟絡少少，算係如果升唔到 Degree 既話都唔會話自閉一個人。慢慢同 Ex’s Friends 又疏離了。

咁到今年以為轉左 Course 會好多少，點知衰到貼地，識唔到人，真係無朋友囉。但係學 Ex 話齋，已經 Used to Be 了。。。為了呢件事唔開心左好耐，依家其實都係一樣唔開心。但係比 Sem頭好 D D 咁啦，有較相熟既同學，但就唔會話約埋一齊出黎玩。但係呢，我覺得 Quit 左 HD 之後覺得同 Wilson、Alice 熟左喎，呢件係一件好事黎！



後記：
諗了好耐，想了又想，其實好難識唔到朋友架喎，自己又唔係個 D 內心醜惡，又唔係話面目猙獰。。。開頭係到諗，係咪自己既問題呢？都可能係既，又唔上莊又無話參加甚麼大活動。定係自己比較「靜」，唔夠主動呢？還是自己要求高，嫌呢樣嫌個樣呢？開頭真係覺得自己好有問題，對自我評價亦唔係好好，總覺得係自己既問題導致「無朋友」！

期間又覺得會唔會係同班太多同學所以難以熟絡呢？見那些成功例子都係十鬆個同學。但係近期再諗又覺得唔係啦，咁多年都係咁識朋友，無理由無啦啦個方法唔 Work 架喎。我又唔係話利用朋友，係真心交朋友的！咁又見到朋友同佢地既同學又玩得好埋，好熟絡，除左 +hung 之外。但係見到 Wilson、Alice 個 D 真係同同學相處好融洽，內心極之妒嫉！！咁就係度諗，會唔會係「際遇」問題呢？可能只係自己遇唔到同自己岩 Key 既人。呢樣野真係無得講，係遇唔到就遇唔到。。。

但係都唔得咁架喎！點都要有朋友吧！哈，岩 Key 既遇唔到，反而遇到 D 討厭既 Type，真係氣死我。。。仲有排讀添架，點算。。。



寄望：
朋友撘朋友咁識朋友吧！朋友呀朋友，覺得有機會岩傾的話就要介紹來識下吧。這是雪球滾大的道理。不要介懷唷，一次生兩次熟。無問題架真係！除左唱 K 之外任何活動都照殺！咁當然自己要努力點吧，不能一路被動，偶爾都要主動點吧！不過講真依家算好過 Sem 頭好多架喇，起碼有一、兩位同學可以傾到下計。

PS. 由心而發，真係好羨慕那兩位遇到岩傾、好玩既同學。約同學出黎玩，可能係我餘下既大學生活只係一個奢望。

2138，有多少虛脫既感覺。。。看來我到了極限吧。

2212，這些就是 Laughing Sounds，上呢日文比我上 CM Core 開心百倍！



1. 每個禮拜至大穫既一定係禮拜一。。。由 0930 上到 1730 Non-Stop 咁上。朝早個 Moving Image Workshop 都真係 Hea Hea 地，Hea 到有 Breakfast Break。。。今次去左 Canteen 食蘿蔔糕，之後行去 Campus 既另一端買 Latte。杯野熱得好過份，完全飲唔落口。。。但係個 Break 已經完左好耐，最後決定要放埋一邊，開頭諗住天生天養咁放係枱頭。但係另一個同行既同學就話唔好咁，最後就放左係佢朋友既 Locker 裡面。有人撞 Locker 倒瀉左就搞笑了，可能有人係民主牆貼「可恥！同學在儲物櫃內放咖啡！」。今堂個 Projector 壞左，無 PowerPoint 睇。。。今日學識用 Sony DV。

之後由 Campus 既一端行去另一端上 Internet Programming 既 Tutorial，Hea！上完之後又行翻去 Campus 既另一端上日文。真係幾好，上得唔錯。有個 Cute Cute 的姐姐，好事黎既。個 Lecturer 又閒來爆笑，講到 Laughing Sounds 既時候佢就係度以個 D 聲音笑。今堂學了寫 Hiragana，部份字都記得個音，但仲有好多唔記得。。。Wilson 快快來 Sit 堂吧！真的不錯！

PS. 就在今天，Wilson 的 Drop Core 申請 Approved 左！

上完日文又千里迢迢行翻去 Campus 既另一端上 Internet Programming 既 Lecture。呢堂超 Hea + 廢。由於係人地既 OOD，好多人應該 Drop 左呢科，上個禮拜仲好多人，今日人數遞減。

今日就好似幅圖咁走來走去。。。



上完堂就同埋另外兩個同學去 FoodFest 食個細牛補充一下體力，之後火車飛 Van 回家。翻到屋企有多少暈暈地呢。。。想去睏個覺。但發覺時間又好似唔夠用咁。。。晚飯都無乜胃口食，Sigh ...



2. 課堂後記。話說日文要補堂，咁就撞正要上 Tutorial。咁矛盾就來了！今個 Sem 我真係想科科都 100% Attandance 呢！咁日文就上硬架喇，暫時都上得咁開心。咁個堂 Tutorial 有另一堂既，就係聽日 1630 - 1730，問題就在於我 1230 放之後無堂，要 Hea 四粒鐘先有堂上。

點算好呢？自閉打機都唔打得咁耐架。。。但係又想達成 100% Attandance 既目標。。。有無人可以向我提議一下我應該點做？來回 City - Home 要個幾鐘，唔通翻屋企先？！之後再出去。定係約人 Lunch 食一個零鐘，再翻 City 打 NDS 打到夠鐘！？咁樣真係好浪費時間下，但係又想 100%。。。

話時話，平時見到識又熟既人都唔會打招呼 / 叫佢，有個眼神上既接觸就算架喇。今日放學個陣見到岑健 @ CityU，難得開口叫佢，但係佢聽唔到。。。唉。。。真令人沮喪！



3. 男女大不同，各位男性，你們去洗手間小便既時候有無「Lur」啖口水既習慣呢？有既話不妨認左佢！真係唔知點解好多人好自然都會「Lur」啖口水架喎！我都見唔少這個情況。大家做個調查，問下身邊既男性有無呢個習慣吧！

性感既野未必一定著得少布，又有人說女性既腳板底好性感？！當然唔係坦盪盪咁唔著鞋，反而係著住鞋既時候，有時對鞋比較鬆，一「Gut」高既時候就會露左個腳板底出來。又或者坐著無野做會稍稍鬆一鬆腳，脫脫半隻鞋咁又露個腳板底出來。不論有著襪與否，那個鏡頭是頗吸引男性的。但是連腳指也露出來的話 (即涼鞋個類露指鞋) 又會變得不性感！

真係唔講唔知。。。



2309，本來真係想講下「朋友」架，但係真係太累了。。。明天都唔知有無機會講，但真係好想講下。你們知不知道遇上一群好的朋友是一件好幸福的事！咁又唔係話我無好朋友，但係好似有 D 欠缺吧。That’s All.

2147，「假後症候群」又發作，又有多少憂鬱。。。

1. 今朝遲左起身，趕頭趕命咁裝身出門。。。咪講笑，今日凍左好多，又大風呢！

講道中聽到「活力」這詞，崇拜甚麼是活力？難道崇拜會無活力嗎？故事原來是這樣的，在講道的時間裡，年青的教友大多會默默地低頭靜思、祈禱，好似好無活力咁。咁就有些教會便會請組成一隊 Band 即場夾 Band，年青人即刻有晒活力！哈哈。甚至可能活力到一個兩個鐘既崇拜大部份時間站著？很好，讓我們一同讚美上帝，請會眾起立。。。

是不是一個好既基督徒？我想並不是了，應做的不做，不應做的反去做。也許會問明知不應做但反去做呢？就是不知為甚麼吧。我有信心，但如果在日常生活裡我活不出大家心目中「基督徒」的模樣時，我會感到罪過。也許大家看不到我吃飯前祈禱、或聽到我說一些不應說的說話，但是我正努力改變吧。現在最想的是每天早上能花多少時間作靈修、閱讀聖經、祈禱吧。

好想寫一篇見證，但係不知如何何著手。但是細心想想，每天的經歷不就是見證了嗎？說話就是這麼說，做又另一回事吧。



2. 回到家之後就打《Lost Magic》，哈，真係好難打。。。好好好難打！WiFi 左個 Demo 俾細佬玩，佢都話過癮，不過佢可能玩唔掂，呵呵。不過玩玩下發覺 ↓



下面個 Screen 個保護貼上面塊保護膠片原來未搣！？OMG，玩左成年依家先發覺。。。原我我個 Screen 係有雙重保護的，真係安全！

餘下既時間就玩《Animal Crossing》，今日係「Yay Day」，我都唔知乜野日子。。。今朝已經趕時間，急急腳搵山豬婆婆買蘿蔔，睏身出擊！晚上主力賣生果，成村生果只賣得三分一，但已經賺左十幾萬。。。看來我要花點時間賣生果，不過一次先執得十五個，要賣晒成條村生果起碼個幾鐘。。。今日都搞左差唔多成個鐘。。。



2356，父母對孩子既成長有一個絕對的影響！仔細想想，現在奇怪既「我」的形成看來是因為父母的影響吧。不過聽要 0930 直踩 1730，都係早 D 睏了，關於「朋友」/「識朋友」。戀上一個唔鍾意自己既人既感覺係點？都無乜特別既，咪又係咁。At Least 現在還是這個階段。That’s All.

2245，↓



1. 呵呵呵，電話繩終於到手了 ↓



哈，支筆真係一枝原子筆，好搞笑啊，哈哈。好正，真係好正！

2. 今日無做過乜特別野，成日就龜左係屋企打《Lost Magic》，應該都就快到尾聲。這個黃昏之歌 J 好惡下。。。



2218，尋日見到個樣驚喜野仲未忘記到，好彩唔係驚奇唧。暫時就係咁了，有多少事做。That’s All.